ការប្រកួតកាលពីយប់មិញរវាងបារាំង និងព័រទុយហ្កាល់បានបញ្ចប់ទៅយ៉ាងតានតឹងជាទីបំផុត ដោយគ្មានក្រុមណា មួយរកបានគ្រាប់បាល់នោះទេ ប៉ុន្តែក្រោយចប់ការប្រកួត គេឃើញ Kylian Mbappe និង Cristiano Ronaldo ហាក់បង្កើតភាពរីករាយ និងភាពស្និទ្ធស្នាលជាមួយគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតរបស់បារាំងទល់នឹងព័រទុយហ្កាល់ក្នុងពានរង្វាន់ UEFA Nations League កាលពីថ្ងៃអាទិត្យនេះហាក់បីដូចជាការប្រកួតវគ្គផ្តាច់ព្រ័ត្រអ៊ីចឹង ព្រោះក្រុមទាំងពីរសុទ្ធតែប្រយ័ត្នរៀងៗខ្លួន ដោយបានសម្រុកទៅសម្រុកមកមិនស្រាកសោះ ប៉ុន្តែមិនអាចបំប៉ោងសំណាញ់ទីគ្នាបាននោះទេ។
អ្វីដែលបានធ្វើឱ្យផ្ទុះការចាប់អារម្មណ៍ខ្លាំងនោះគឺការជួបគ្នារវាងកីឡាករ Cristiano Ronaldo និង Kylian Mbappe ពេលសារព័ត៌មានបង្ហោះរូបភាពដែលពួកគេបានចែករំលែកភាពសប្បាយរីករាយជាមួយគ្នា បន្ទាប់ពីអជ្ញារកណ្តាលផ្លុំកញ្ចែបញ្ចប់ការប្រកួតនៅកីឡដ្ឋា Stade de France ។
យ៉ាងណាមិញ អ្នកគាំទ្របាល់ទាត់បានបង្ហាញការចាប់អារម្មណ៍កាន់តែខ្លាំង នៅពេលដែលកីឡាករឆ្នើមរបស់ពិភពលោកបានឈរទល់មុខនឹងអ្នកស្នងតំណែងដ៏មានសក្តានុពលរបស់គាត់ មានន័យថា Mbappe ទទួលបានជោគជ័យសព្វថ្ងៃក៏ដោយសារតែយកគម្រូតាម Cristiano Ronaldo ផងដែរ៕
ប្រភព៖ Tribuna