យល់ដឹង៖ រដូវនេះជារដូវវស្សា មានភ្លៀងធ្លាក់ ជាបន្តបន្ទាប់អស់ជាច្រើនថ្ងៃ ធ្វើឲ្យតំបន់និង ខេត្តក្រុងមួយចំនួន ត្រូវបានលិច ហេតុដូចនេះ សូមប្រជាពលរដ្ឋខ្មែរ ទាំងអស់ត្រូវបង្កើន នៅការប្រុងប្រយ័ត្ន ចំពោះជំងឺឆ្លងផ្សេងៗ ជាច្រើនអាចនឹង កើតមានឡើង ជាពិសេសជំងឺម៉េឡូអ៊ីដ (Melioidosis) ដែលមានអត្រាស្លាប់ខ្ពស់ អាចលើសពី៥០ភាគរយ ហើយក៏កំពុងរកឃើញច្រើននៅក្នុងប្រទេសកម្ពុជាយើងផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជម្ងឺនេះអាចមានអត្រា កើតមានឡើងខ្ពស់ចំពោះ អ្នកមានជំងឺទឹកនោមផ្អែម ជំងឺតម្រងនោមរ៉ាំរ៉ៃ ជំងឺសួត ឬថ្លើមរ៉ាំរ៉ៃ អ្នកផឹកស្រាច្រើន ឬមានជំងឺគ្រាប់ឈាមស ដែលអាចត្រូវ ប្រឈមគ្រោះថ្នាក់ខ្លាំង ដូច្នេះសូមអនុវត្ត នៅការការពារដូចខាងក្រោម៖
១. កុំចេញពីផ្ទះ ឬចុះទឹក តែបើចៀសមិនផុត ត្រូវពាក់ស្បែកជើងកៅស៊ូកវែង និងពាក់ម៉ាស់ផង។
២. បើបងប្អូនមានដំបៅ ហើយបានប៉ះជាមួយទឹកកង្វក់ សូមលាងជាមួយទឹកស្អាត និងសាប៊ូភ្លាមៗ។
៣. ចៀសវាង ការពិសារទឹក និងបន្លែឆៅ។
៤. ចៀសវាងការដើរ ដោយជើងទទេ។
៥. ចំពោះលោកគ្រូពេទ្យមួយចំនួន ដែលមិនមានលទ្ធភាព ធ្វើរោគវិនិច្ឆ័យ ជំងឺម៉េឡូអ៊ីដ (មិនមានមន្ទីរពិសោធន៍មីក្រូជីវសាស្ត្រ Microbiology laboraotory) រាល់អ្នកជំងឺដែលមាន ហានិភ័យដូចខាងលើ ហើយសង្ស័យថាមានជំងឺម៉េឡូអ៊ីដ សូមធ្វើការបញ្ជូន ទៅកាន់មន្ទីរពេទ្យធំៗដែល មានឧបករណ៍ពិសោធន៍ជាបន្ទាន់ ដើម្បីពិនិត្យនិងធ្វើរោគវិនិច្ឆ័យ ដូចជាមន្ទីរពេទ្យខេត្ត ឬមន្ទីរពេទ្យថ្នាក់ជាតិជាដើម៕ ប្រភព៖ Yim Sovannra
Bong I.T