គូដណ្ដឹងកំពុងធ្វើការសុខៗនៅផ្សារទំនើប ស្រាប់តែខាងស្រីស្លៀកឈុតកូនក្រមុំបង្ខំឲ្យរៀបការ បើមិនអីចឹង បែកគ្នា (មានវីដេអូ)

អាមេរិក៖​ ស្ត្រីម្នាក់ មិនបញ្ចេញអត្តសញ្ញាណ បានស្លៀកឈុតកូនក្រមុំ និងសម្រុកចូលទៅក្នុងផ្សារទំនើប Target ដែលមានទីតាំងស្ថិតនៅទីក្រុង Las Vegas ដើម្បីបង្ខំឲ្យគូដណ្ដឹងរៀបការជាមួយនាងក្នុងផ្សារទំនើបផ្ទាល់តែម្ដង។

វីដេអូឃ្លីបចំនួនពីរ ត្រូវបានគេយកទៅបង្ហោះចែកចាយនៅលើបណ្ដាញសង្គម Tik Tok កាលពីថ្ងៃសុក្រសប្ដាហ៍មុននេះ ដែលបង្ហាញឲ្យឃើញ ស្ត្រីជាកូនក្រមុំ មានអកប្បកិរិយាយ៉ាងមុតមាំ ក្នុងការដើរស្វែងរកគូដណ្ដឹង និងអមដំណើរដោយអ្នកកំដរម្នាក់ រួមទាំងបុរសស្លៀកឈុតខ្មៅ ដែលហាក់មើលទៅដូចជាលោកអាចារ្យ។

ហើយទីបំផុត កូនក្រមុំ បានរកឃើញគូដណ្ដឹងរបស់នាង ដែលពាក់អាវយឺតពណ៌ក្រហម និងកំពុងរៀបចំអីវ៉ាន់ដាក់លើធ្នើរ ហើយនាងក៏បាននិយាយទៅកាន់គូដណ្ដឹងថា៖​

ហើយនៅពេលដែលនាងបានឃើញហ្វូងមនុស្សកំពុងសម្លឹងមើលកម្មភាពរបស់នាង នាងក៏បង្ហាញពីភាពរាក់ទាក់ទៅកាន់ហ្វូងមនុស្ស និងនិយាយថា នាងគ្រាន់តែចង់ធ្វើឲ្យគូដណ្ដឹង ប្ដេជ្ញាចិត្តប៉ុណ្ណោះ ឬនាងត្រូវបោះបង់គូដណ្ដឹងចោល។ ចុងក្រោយ គូដណ្ដឹងក៏បានស្នើសុំឲ្យនាងទៅបន្ដការសន្ទនាគ្នានៅខាងក្រៅវិញផងដែរ។

យ៉ាងណាមិញ មិនមាននរណាម្នាក់ ដឹងឡើយថារឿងរ៉ាវនឹងបញ្ចប់ទៅដោយយ៉ាងណាទេ តែបើតាមមហាជនមួយចំនួន បានបញ្ចេញមតិដោយលើកឡើងថា វីដេអូខាងលើនេះ មើលទៅហាក់ដូចជាការសម្ដែងអីចឹង។ ហើយមហាជនមួយចំនួនទៀត បាននិយាយថា បុរសដែលជាគូដណ្ដឹង គួរតែនិយាយថា ទេហើយដើរចេញពីកូនក្រមុំ ព្រោះទោះបីជាយ៉ាងណាក៏ដោយ មិនត្រូវបង្ខំឲ្យនរណារៀបការ ទាំងដែលគេមិនទាន់ត្រៀមចិត្តឡើយ៕

សូមទស្សនារូបភាពនិងវីដេអូខាងក្រោម៖​