ភ្នំពេញ៖ នៅក្នុងបណ្តាញសង្គមហ្វេសប៊ុក របស់ក្រសួងធនធានទឹក និងឧតុនិយម បានជម្រាបជូនដំណឹង ទៅដល់សាធារណជន ឲ្យបានជ្រាបថា ស្ថានភាពទឹកទន្លេ នៅតំបន់ឦសាន ដែលកន្លងមក ទទួលបានឥទ្ធិពលពីប្រព័ន្ធសម្ពាធទាប បានឡើងមួយកម្រិត ហើយនោះ និងគួបផ្សំ នៅយប់ថ្ងៃនេះ ព្យុះទី១៥ ឈ្មោះ លីនហ្វា(LINFA) បាន និងកំពុងមានឥទ្ធិពល មកពីតំបន់ប៉ាក់សេប្រទេសឡាវ ដែលធ្វើឲ្យ មានភ្លៀងធ្លាក់ច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្ថានភាពបែបនេះ នឹងបង្កឲ្យ៖
-ទឹកទន្លេសេកុង សេសាន និងស្រែពក នឹងហក់ឡើង ដែលអាចក្លាយជាជំនន់
-រីឯទឹកទន្លេមេគង្គ នៅស្ទឹងត្រែង ក្រចេះ និងកំពង់ចាម នឹងហក់ឡើងបន្តិច តែការហក់ឡើងនេះ ស្ថិតនៅទាបជាងកម្រិតកម្ពស់ឲ្យមានការប្រុងប្រយ័ត្ន។
ដូច្នេះបងប្អូន មានការប្រុងប្រយ័ត្នឲ្យបានខ្ពស់ ដើម្បីចៀសវាងនូវគ្រោះថ្នាក់ផ្សេងៗ ដែលអាចកើតឡើងជាយថាហេតុ។ ជាមួយគ្នានោះ ចំពោះបណ្តាខេត្តដែលមាន ទំនាក់ទំនងនឹងរបបទឹកទន្លេ ត្រូវមានវិធានការក្នុងការបើកទ្វារទឹក ដើម្បីបញ្ចូលតាមព្រែក បណ្តាអាងទឹកនានា និងតំបន់ទំនាប៕