ភ្នំពេញ៖ តារាចម្រៀងប្រុសសម្លេងពិរោះ លោក ឆន សុវណ្ណរាជ បច្ចុប្បន្នកាន់តែមានឈ្មោះល្បីល្បាញក្នុងសង្គមសិល្បៈ ដែលមានទស្សនិកជន និងហ្វេនគ្រប់ទិសទីស្រលាញ់ និងចាំគាំទ្រ។ ហើយពីមួយឆ្នាំទៅមួយឆ្នាំ តារាប្រុសរូបនេះរឹតតែមានភាពមមាញឹកជាមួយការងារ ជាបន្តបន្ទាប់សឹងតែគ្មានពេលទំនេរ ក្នុងនោះដែរ ពេលនេះរូបលោកបានបើកមុខជំនួញថ្មីបន្ថែមផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បើងាកទៅមើលជីវិតឯកជនរបស់តារាចម្រៀងរូបនេះ ឃើញថារូបលោកកាន់តែមានជីវភាពប្រសើរឡើងទ្វេដង ហើយកាលពីម្សិលមិញនេះ ក៏ជាថ្ងៃកំណើតរបស់តារារូបនេះផ្ទាល់។ ដែលគេសង្កេតឃើញលោកមិនបានប្រារព្ធធ្វើពិធីអ្វីនោះទេ តែតារាប្រុសរូបនេះ ក៏មានមិត្តភក្ដិ និងបងប្អូនជាច្រើន បាននាំគ្នាទិញនំខេកមក Suprise ដល់ហាងតែម្ដង។ ហើយអ្វីដែលធ្វើឲ្យគរប់គ្នាចាប់អារម្មណ៍ខ្លាំងនោះ លោក ឆន សុវណ្ណរាជ បានទទួលនៅការដូធំដែលមានទាំងចិញ្ចៀនពេជ្រ និងទឹកប្រាក់សរុបរហូតដល់ ១ម៉ឺនដុល្លារឯណ្ណោះ។
ក្រោយកាត់នំខេកហើយបាននៅកញ្ចប់ទឹកប្រាក់ជាច្រើនយ៉ាងដូច្នេះរួច តារាប្រុសរូបនេះ បានបង្ហាញនៅញញឹមលាយឡំនឹងសើចសឹងសប្បាយបិទមាត់សឹងមិនជិតទៅហើយ។ គួរបញ្ចាក់ផងដែរថា បើទោះបីម្សិលមិញនេះ តារារូបនេះ មិនបានធ្វើពិធីអបអរខួបកំណើតរបស់ខ្លួនយ៉ាងណាក្ដី តែក៏នៅមានបងប្អូន និងមិត្តភក្ដិចាំ Suprise នំ និងកាដូជាច្រើនតែម្ដង។ ម្យ៉ាងវិញទៀត ក៏មានសិល្បករ សិល្បការិនីជាច្រើនរូប និងហ្វេន បានជូនពរដល់ថ្ងៃពិសេសលោកគ្រប់ៗគ្នាតែម្ដង៕
សូមទស្សនារូបភាព និងវីដេអូខាងក្រោម៖