ក្រោយមានអនុស្សាវរីយ៍ស្បែកជើងហោះ ពេលនេះ Cardi B និង Nicki នឹងសហការចេញចម្រៀងរួមគ្នា?

បរទេស៖ កាលថ្មីនេះ មានព័ត៌មានអំពីការសហការគ្នារវាង តារាចម្រៀងស្រីរ៉េប ដ៏ដែលមានប្រជាប្រិយភាពបំផុតពីរនាក់នៅក្នុងឧស្សាហកម្មតន្រ្តីអាមេរិក បានរីករាលដាលពាសពេញបណ្តាញសង្គមដែលធ្វើឱ្យមនុស្សរំជួលជាខ្លាំង។

អ្វីដែលគួរឲ្យការភ្ញាក់ផ្អើលកាន់តែខ្លាំង នៅពេលដែលដឹង អត្តសញ្ញាណរបស់តារាស្រីទាំងពីររូបនេះគឺ Nicki Minaj និង Cardi B តែម្តង។

ប្រភពព័ត៌មាន មួយនេះ គឺបានលេចចេញពី Genius ដែលជាគេហទំព័រធំមួយ ដែលជួយឲ្យអ្នកប្រើប្រាស់ស្វែងរកបទចម្រៀង និងព័ត៌មានថ្មីៗពេញនិយមនៅក្នុងពិភពកំសាន្ត ដែលបានបង្ហោះព័ត៌មានអំពីបទចម្រៀងមួយបទដែលមានចំណងជើងថា «Lavish» គឺបានបញ្ជាក់ថាអ្នកទាំងពីរជាអ្នកច្រៀងផ្ទាល់។

ទោះយ៉ាងណាក៏ដោយមនុស្សជាច្រើន នៅតែគិតថារឿងនេះមិនអាចទៅរួច ពីព្រោះការសហការនេះមិនទំនងកើតឡើងទេ ព្រោះគេដឹងពីទំនាក់ទំនងរវាងអ្នកទាំងពីរ មានភាពល្អក់កករ ចាប់តាំងពីការវាយតប់គ្នាបានកើតឡើងនៅការបង្ហាញម៉ូត នៅទីក្រុង ញូវយ៉កកាលពីឆ្នាំ ២០១៨មកម្លេះ។

យ៉ាងណាមិញ អ្នកគាំទ្រជាច្រើននៅតែទន្ទឹងរង់ចាំការសហការនេះ ដែលគេបញ្ជាក់ឲ្យឃើញថា រវាងNicki Minaj និង Cardi B ពេលកន្លងមកនេះ ពួកគេគ្មានទំនាស់អ្វី ក៏ដូចជា ហាក់បីដូចមិនបានរំលឹក រឿងរ៉ាវ របស់អ្នកទាំងពីរ ភាពចម្រូសចម្រាស កាលពី២ឆ្នាំមុនផងដែរ៕

សូមទស្សនារូបខាងក្រោម៖