Army ច្បាស់ជាខូចចិត្តខ្លាំង ក្រោយបានដឹង Jimin លះបង់បែបណា

កូរ៉េខាងត្បូង៖ Jimin គឺជាសមាជិករបស់ក្រុម BTS ដែលArmy ពិតជាដឹងហើយ ពីសមត្ថភាពរាំ ច្រៀង សម្ដែងរបស់Jimin អស្ចារ្យប៉ុណ្ណា។​ មុននឹងក្លាយជាតារាល្បី មានឈ្មោះបោះសំលេងមកដល់បច្ចុប្បន្ននេះ Jimin ប្រឹងប្រែងហ្វឹកហាត់​ ក្នុងមួយថ្ងៃអស់រយៈពេលជាច្រើនម៉ោង ព្រមទាំងស៊ូទ្រាំសម្របខ្លួន ទៅតាមអាកាសធាតុ រាល់ពេលធ្វើដំណើរទៅសម្ដែងនៅក្រៅប្រទេសម្ដងៗ ។ ការប្រឹងប្រែង​ព្យាយាមរបស់​Jimin ក៏ដូចជាសមាជិកBTS បានទទួលមកវិញនូវការគាំទ្រ​ រហូតក្លាយជា​កំពូលសិល្បករឆ្នើម នៅលើពិភពលោកនាពេលបច្ចុប្បន្ននេះ។

បើទោះបីជាយ៉ាងនេះក្ដី Jimin នៅខាងក្រោយឆាកវិញ គឺលោកពិតជាមានមិនរីករាយដូចជាArmy បានឃើញឡើយ។

ខាងក្រោមនេះ គឺជាការបកស្រាយរបស់​៤ករណី របស់Jimin ដែលធ្វើឱ្យ Army ខូចចិត្តរហូតស្រក់ទឹកភ្នែក​!

១.Jimin និយាយពីរបបអាហាររបស់លោកកាលពីមុន

ដើម្បីបំពេញតម្រូវការរបស់Army និងភាពស្រស់សង្ហារបស់លោក Jimin បានព្យាយាមញ៉ាំអាហារតែមួយពេលក្នុងមួយថ្ងៃ ។ លោកបានប្រាប់ឱ្យក្រុមការងារ មើលថែអាហារក្នុងទូរទឹកកករបស់លោក ហើយបន្ទាប់ពីសម្ដែងចប់ លោកមកញ៉ាំអាហាររបស់លោកទាំងមានញើសនិងទឹកភ្នែកផង។ លទ្ធិផលនៃការញ៉ាំអាហារបែបនេះ បានធ្វើឱ្យ Jimin បាត់ទម្ងន់អស់ជាច្រើនគីឡូ ហើយថែមទាំងខាតពេលមិនបានមកហាត់សម ។ Jimin បាននិយាយថា លោកនឹងមិនញ៉ាំអាហារបែបនោះទៀតទេ ។ Army ពិតជាអរគុណ Jimin ដែលមិនធ្វើបែបនេះទៀត។

២. Jimin ស្ទើរតែមិនបានបង្ហាញខ្លួនជាមួយក្រុម BTS

វាអាចនឹងមិន​គួរឱ្យជឿនោះឡើយ ដោយសារតែ Jimin មានជំនាញរាំពីមុន ជាអ្នករាំបែបទន់ភ្លន់ ដែលខុសពីក្បាច់រាំក្នុងក្រុមBTS ផ្ទាល់ ទើបធ្វើឱ្យJimin ពិបាកក្នុងការហាត់សម ។ Jimin ក៏ធ្លាប់ត្រូវបានអ្នកគ្រប់គ្រង់ BTS ក្នុងក្រុមហ៊ុន Big Hit  Entertainment មិនចង់ឱ្យ Jimin ចូលក្នុងក្រុម BTS ឡើយ ។ ប៉ុន្តែJimin នៅតែអាចចូលជាសមាជិកBTS និងរាំបានយ៉ាងស្ទាត់ជំនាញ ក៏ព្រោះតែទេពកោសល្យរបស់លោកពីកំណើត។

៣. Jimin មានទម្លាប់ធ្វើបែបនេះដើម្បីបំបាត់ភាពតានតឹង

នៅពេលដែលលោកមានអារម្មណ៍មិនល្អ តារាប្រុសរូបនេះតែងតែ ទៅដើរលេងជាមួយមិត្តភក្តិ របស់លោកជាញឹកញាប់ ព្រមទាំងយកពេលវេលាមក មើលថែ​សុខភាពរាងកាយរបស់លោក។ លោកបញ្ជាក់បន្ថែមទៀតថា លោកពិតជាគ្មានវិធីអ្វីក្រៅពីនេះទេ យ៉ាងហោចណាស់លោក បានជួបជាមួយមិត្តភក្តិផ្សេងៗ និងមានពេលថែទាំខ្លួនផងដែរ។ ក្រោយពីធ្វើបែបនោះហើយ វាបានធ្វើឱ្យលោកហាក់ដូចជា មានកម្លាំងមកជំរុញចិត្តលោក ឱ្យកាន់តែមានភាពប្រឹងប្រែងធ្វើការជាងមុន។

៤. Jimin បានសារភាពកំហុសពេលលោកសម្ដែងនៅលើឆាក

នៅអំឡុងពេល កំពុងសម្ដែងទោលក្នុងកម្មវិធី Burn The Stage គ្រប់គ្នាមើលឃើញថា Jimin មិនសប្បាយចិត្តឡើយ បន្ទាប់ពីសម្ដែង ។ លោកបានសារភាពថា ដោយសារតែ លោកពេលនោះមានបញ្ហាសម្លេង ទើបធ្វើឱ្យលោកសម្ដែងមិនបានល្អ នេះជាមូលហេតុដែលលោកមិនរីករាយ។  លោកបានបន្ថែមទៀតថា លោកចង់សម្ដែងចេញមកឱ្យល្អឥតខ្ចោះ ទោះជាមានកំហុសតិចតួចក៏ដោយ ក៏លោកមិនចង់ឱ្យកើតឡើងដែរ។ ក្រោយពីបានដឹងរឿងនេះ Army ភាគច្រើនមិនបានចាប់អារម្មណ៍ឡើយ នូវការឡើងសម្ដែងរបស់Jimin ព្រោះពេលសម្ដែងJimin ពិតជាអស្ចារ្យណាស់៕