លេងត្រូវជើងគ្នាល្អណាស់! ប្រេសុីល លត់ បូលីវី ៥-០ នៅក្នុងការប្រកួតជម្រុះ World Cup ព្រឹកមិញនេះ (មានវីដេអូ)

បរទេស៖ សម្រាប់ការប្រកួតជម្រុះពានរង្វាន់ World Cup ឆ្នាំ២០២២ នៅក្នុងទ្វីបអាមេរិកខាងត្បូងព្រឹកមិញនេះ ក្រុមជម្រើសជាតិប្រេសុីលរកបាន៣ពិន្ទុដ៏មានសារៈសំខាន់ ក្រោយយកឈ្នះជម្រើសជាតិបូលីវី នៅក្នុងដីដោយលទ្ធផល៥ទល់នឹង០។ 

ខ្សែការពាររបស់ក្លិប Paris Saint-Germain គឺកីឡាករ Marquinhos ជាអ្នកតែតបានមួយគ្រាប់បើកឆាកឲ្យប្រេសុីល មុនពេលដែលខ្សែប្រយុទ្ធរបស់ក្លិប Liverpool គឺកីឡាករ Roberto Firmino ស៊ុតបានគ្រាប់២គ្រាប់បន្ថែម។ ចំណែកគ្រាប់ទី៤កើតឡើងដោយការធ្វើឲ្យចូលទីខ្លួនឯងរបស់ក្រុមជម្រើសជាតិបូលីវី។ រីឯគ្រាប់ចុងក្រោយរកបានដោយការតែតរបស់ខ្សែបម្រើក្លិប Barcelona គឺកីឡាករ Philippe Coutinho ។

យោងតាមលទ្ធផលនៃការប្រកួតទី១នេះ ក្រុមជម្រើសជាតិប្រសុីលឈរនៅកំពូលតារាងមាន៣ពិន្ទុស្មើនឹងក្រុមជម្រើសជាតិ កូឡុំប៊ី អ៊ុយរ៉ាកាយ និងអាហ្សង់ទីន។ ហើយសម្រាប់ការប្រកួតបន្ទាប់ប្រេសុីលនឹងត្រូវប៉ះគ្នាជាមួយក្រុមជម្រើសជាតិប៉េរូ៕

ប្រភព៖ goal