ចិន៖ Dilraba Dilmurat ដែលអ្នកគ្រប់គ្នាស្គាល់ថាជា តារាស្រីលំដាប់A ដែលកំពុងមានប្រជាប្រិយភាព មួយរូបប្រចាំប្រទេសចិន ដែលកន្លងមកតែងត្រូវ អ្នកគាំទ្រព្រមទាំងមហាជនទូទៅ លើកសេរសើរនិង ទទួលស្គាល់ពីសម្រស់ ដ៏លេចធ្លោរបស់នាង មិនដាច់ពីមាត់រហូតមក។
ក៏ប៉ុន្តែ ថ្មីៗនេះ សម្រស់តារាស្រីរូបនេះ ក៏កំពុងតែបានក្លាយទៅជា ប្រធានបទដ៏ល្បីម្តងទៀត តែមិនមែនសម្រស់ ដែលលេចធ្លោ ដូចដែលមហាជនធ្លាប់បានឃើញនិង បានដឹងកន្លងមកនោះទេ។ តែជាសម្រស់ស្បែក ដែលមើលទៅមាន នៅស្នាមផ្នត់ ជ្រួញ និងចាស់ជាងអាយុខ្លាំង បន្ទាប់ពីមានការបែកធ្លាយរូប ពីក្នុងកាម៉េរា ដែលមិនទាន់ មានការកែកុនបន្ថែម។
ជាមួយគ្នានោះដែរក៏ មានអ្នកBlogger របស់ប្រទេសចិនមួយចំនួន បានធ្វើការលើកឡើងពី សម្រស់របស់តារាស្រីរូបនេះថា សម្រស់ស្បែករបស់នាងមិនក្មេង និងសស្អាតដូចរូបដែល ធ្លាប់តែបង្ហោះលើ បណ្តាញសង្គមនោះទេ ហើយតារាស្រីរូបនេះមើលទៅចាស់ខ្លាំង បើប្រៀបធៀបនឹងតារាស្រីរៀបច្បង ក្នុងវិស័យនេះដទៃទៀត ទោះបីជានាង ទើបតែមានអាយុ២៨ ឆ្នាំយ៉ាងណាក៏ដោយ៕