បៃរូត៖ អង្គការកាកបាទក្រហមលីបង់បានឱ្យដឹងថា មនុស្សយ៉ាងហោចណាស់ ៤នាក់បានស្លាប់ និង ២០នាក់ទៀតរងរបួស នៅពេលដែលស៊ីទែនប្រេងបានផ្ទុះឆេះក្នុងអគារមួយ ស្ថិតនៅទីក្រុងបៃរូតកាលពីថ្ងៃសុក្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមប្រភពសន្តិសុខក៏បានឱ្យដឹងដែរថា ហេតុការណ៍ផ្ទុះឆេះស៊ីទែនប្រេងនេះ បានបង្កជាអគ្គិភ័យដ៏ធំដោយឆាបឆេះទាំងអគារនៅក្នុងសង្កាត់ Tariq al-Jadida ខណៈដែលក្រុមពន្លត់អគ្គីភ័យបានប្រើជណ្តើរឡើងលើអគារ ដើម្បីជួយសង្គ្រោះអ្នកជាប់នៅខាងក្នុង។
គួរឱ្យដឹងដែរថា ហេតុការណ៍ដ៏អាក្រក់នេះបានបង្កជាការភ័យខ្លាច ដល់ប្រជាជននៅក្នុងទីក្រុង ដែលធ្លាប់រងការវាយប្រហារដោយសារការផ្ទុះឃ្លាំងផ្ទុកសារធាតុគីមី នៅតំបន់កំពង់ផែកាលពីខែសីហា បណ្តាលឱ្យមនុស្សស្លាប់ចំនួន ២០៣នាក់ ចំណែករាប់ពាន់នាក់ទៀត បានរងរបួសធ្ងន់ស្រាល៕