ក្រុមផ្នែករដ្ឋបាលកម្លាំងពលកម្មយោធាដែលហៅកាត់ថា (MMA) បាននិយាយកាលពីថ្ងៃសុក្រថា៖ «យើងមិនគាំទ្រអោយមានការលើកលែងចំពោះការចូលមកបម្រើក្នុងផ្នែកយោធារបស់សមាជិកនៃក្រុម K-pop BTSឡើយ»។ នេះជាលើកទីមួយ ហើយក្រុមផ្នែករដ្ឋបាលកម្លាំងពលកម្មយោធាបានបង្ហាញជំហររបស់ខ្លួនលើបញ្ហានេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមានការជជែកវែកញែកនៅប៉ុន្មានឆ្នាំថ្មីៗនេះ អំពីការលើកលែង ឬការពន្យាពេលនៃការចូលមកបម្រើក្នុងជួរយោធាសម្រាប់ ក្រុមតារាK-pop ដោយផ្អែកលើហេតុផលថា ពួកគេបានជួយលើកកម្ពស់កិត្យានុភាពជាតិរបស់ពួកគេនៅក្នុងពិភពកម្សាន្តមួយនេះ។ តាមច្បាប់បច្ចុប្បន្នការលើកលែងបែបនេះត្រូវបានផ្តល់ជូនតែចំពោះអត្តពលិក សិល្បករ និងតន្រ្តីករ ដែលមានស្នាដៃខ្ពស់តែប៉ុណ្ណោះ។
បញ្ហានេះត្រូវបាននាំយកមកតុនយោបាយម្តងទៀតចាប់តាំងពីដើមខែនេះ ដោយតំណាងរាស្រ្តគណបក្សកាន់អំណាចមួយចំនួនបានអំពាវនាវឱ្យមានការលើកលែងនូវកាតព្វកិច្ចចុះឈ្មោះចូលមកបម្រើក្នុងជួរយោធារបស់សមាជិក BTS។
ប៉ុន្តែក្រុមផ្នែករដ្ឋបាលកម្លាំងពលកម្មយោធាបាននិយាយថា មិនមានការផ្លាស់ប្តូរណាមួយចំពោះការសម្រេចចិត្តកាល ពីលើកមុនរបស់ខ្លួន ដែលមិនមានការលើកលែងដល់ក្រុមតារា K-pop នោះទេ។
ក្រុមផ្នែករដ្ឋបាលកម្លាំងពលកម្មយោធាបានឆ្លើយតបទៅនឹងសំណួររបស់លោក Yun Ju-keyng ដែលមកពីគណបក្ស ប្រឆាំងថា៖ នៅក្នុងការប្រជុំរបស់អង្គការពាក់ព័ន្ធកាលពីថ្ងៃទី ២១ ខែវិច្ឆិកាយើងបានសំរេចចិត្តហើយថា មិនអោយ មានការលើកលែងដល់ក្រុមចម្រៀង K-popនោះទេ ព្រោះវាមិនស្របតាមគោលជំហរមូលដ្ឋានរបស់រដ្ឋាភិបាលក្នុង ការកែប្រែច្បាប់ក្នុងជួរយោធាឡើយ។
ក្រុមផ្នែករដ្ឋបាលកម្លាំងពលកម្មយោធាបានចាកចេញពីបន្ទប់ពិភាក្សាភ្លាមៗ បន្ទាប់ពីពួកគេបាននិយាយថា៖ “ការពន្យាពេលនៃការចុះឈ្មោះចូលមកបម្រើជួរយោធាសម្រាប់K-pop និងការធ្វើវិសោធនកម្មច្បាប់ស្តីពីការមកបម្រើ ក្នុងជួរយោធាកំពុងរង់ចាំនៅរដ្ឋសភា។ ដូច្នេះយើងនឹងរងចំាពិនិត្យមើលវាជាមួយក្រសួងដែលពាក់ព័ន្ធ ហើយសេចក្ដី ព្រាងច្បាប់មួយក្នុងកែប្រែក៏ត្រូវបានដាក់ជូនដោយលោក Jeon Yong-gi នៃគណបក្សកាន់អំណាចនៃប្រទេសកូរ៉េ កាលពីខែមុនដើម្បីអនុញ្ញាតអោយក្រុម K-pop ពន្យារពេលក្នុងការបំពេញកាតព្វកិច្ចយោធារបស់ពួកគេ ដោយត្រូវ រងចាំរហូតដល់ពួកគេមានអាយុ ៣០ ឆ្នាំ៕