កីឡាករ Lionel Messi នឹង Luis Suarez គីជាអតីតមិត្តរួមក្រុមកាលលេងនៅ Barcelona តែបច្ចប្បន្ន Suarez បានផ្ទេរទៅកាន់ក្រុម Atlético Madrid ហើយ ។ ក្នុងការប្រកួត FIFA World Cup Qatar 2022 វគ្គជម្រុះតំបន់ អាមេរិចឡាទីន នាពេលកន្លងមក ពួកគេទាំង ២ នាក់សុទ្ធតែបានជួយក្រុមជម្រើសជាតិរបស់ខ្លួន យកឈ្នះគូប្រកួតរៀងខ្លួន ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះ Messi បានស៊ុតគ្រាប់បាល់ ១១ ម៉ែត្រ បានជោគជ័យ ជួយឲ្យ អាហ្សង់ទីន យកឈ្នះ អេក្វាឌ័រ ក្នុងលទ្ធផល ១ ទល់នឹង ០ រីឯ Suarez វិញ ក៏បានស៊ុតគ្រាប់បាល់ ១១ ម៉ែត្រ បានជោគជ័យ ជួយឲ្យ អ៊ុយរូហ្គាយ យកឈ្នះ ឈីលី ក្នុងលទ្ធផល ២ ទល់នឹង ១។ ការរកបានម្នាក់មួយគ្រាប់បែបនេះ ធ្វើឲ្យពួកគេទាំង ២ នាក់ បានតាមស្មើកំណត់ត្រាមួយរបស់វិរៈបុរសប្រេស៊ីលគឺ Ronaldo ក្នុងនាមជាអ្នកស៊ុតបញ្ចូលទីបានជាងគេសម្រាប់ក្រុមជម្រើសជាតិក្នុងតំបន់អាមេរិចឡាទីន ។
បច្ចប្បន្នកីឡាករ Messi Suarez នឹង Ronaldo ប្រេស៊ីល មានគ្រាប់បាល់ស្មើគ្នា ពោលគឺ មាន ៣៩ គ្រាប់ហើយ តែ Messi នឹង Suarez នៅតែមានឪកាសក្នុងការរកគ្រាប់ ដើម្បីបំបែកកំណត់ត្រាមួយនេះ៕