អាមេរិករកឃើញអ្នកផ្ទុកជំងឺ Covid-19 ចំនួន ៤៥ ០០០ ក្នុងមួយថ្ងៃ។ ចំនួននេះកើនឡើង ៨% បើប្រៀបធៀបទៅនឹងសប្តាហ៍មុនក្នុងខែមិថុនា។ ទាំងនេះដោយសារការរឹតបន្តឹង និងការការពាររហាក់ត្រូវបានកាត់បន្ថយជាងមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកជំនាញព្រមានថា អ្នកជំងឺអាចប្រឈមមុខនឹងគ្រោះថ្នាក់ដល់អាយុជីវិតប្រហែលនឹងមានការកើនឡើងហួសការរំពឹងទុកនៅក្នុងរដូវរងារនេះ។ ការព្យាករណ៍រួមរបស់មជ្ឈមណ្ឌលគ្រប់គ្រង និងបង្ការជំងឺនៃអាមេរិកចុងក្រោយបង្អស់បាននិយាយថា ចំនួនអ្នកស្លាប់ដោយសារ Covid-19 របស់សហរដ្ឋអាមេរិកអាចកើនឡើងដល់ ២៣៣ ០០០ នាក់នៅចុងខែតុលានេះ។
ការព្យាករណ៍ និងវាតម្លៃរបស់សាកលវិទ្យាល័យវ៉ាស៊ីនតោនបង្ហាញថា ជនជាតិអាមេរិកជាង ២៩០០ នាក់បានស្លាប់ជារៀងរាល់ថ្ងៃនៅខែមករាកន្លងមកនេះ។ កាលពីដើមសប្តាហ៍នេះលោកបណ្ឌិត Anthony Fauci (American physician and immunologist) បាននិយាយថា លោកមានការព្រួយបារម្ភចំពោះការកើនឡើងនៃអ្នកឆ្លង Covid-19 របស់ប្រទេសនេះ។ គាត់ក៏បានបន្ថែមទៀតថា នៅទីនេះមិនមែនជាកន្លែងដែលអ្នកត្រូវព្យាយាមទប់ទល់នឹងរោគរាតត្បាតនេះទេ ហើយអ្វីដែលកាន់តែអាក្រក់នោះគឺនៅពេលអាកាសធាតុកាន់តែត្រជាក់អ្វីៗនឹងកាន់តែពិបាកគ្រប់គ្រង។
មន្រ្តីសុខាភិបាលបាននិយាយថា អ្វីដែលអាចជួយពួកគេកុំអោយឆ្លងពីជំងឺ Covid-19 បាននោះ គឺមានវិធានការការពារសុវត្ថិភាពដូចជាការពាក់ម៉ាស់អោយបានត្រឹមត្រូវ និងរក្សាគម្លាតពីគ្នាយ៉ាងហោចណាស់មួយម៉ែត។បើយោងតាមទិន្នន័យពីសាកលវិទ្យាល័យJohns Hopkinsបាននិយាយថា ចំនួនអ្នកឆ្លងCovid-19 គឺមានការកើនឡើងគួរឱ្យព្រួយបារម្ភ មានតែរដ្ឋអាឡាបាម៉ា និង ហាវ៉ៃ ប៉ុណ្ណោះដែលមានការធ្លាក់ចុះនៃករណីឆ្លងថ្មីនៃជំងឺ Covid-19 ក្នុងរយៈពេលមួយសប្តាហ៍កន្លងមកនេះ។
ប៉ុន្តែមន្ទីរពេទ្យនៅទូទាំងប្រទេសមានកើនឡើងអ្នកជំងឺ Covid-19 ដោយមានអ្នកជំងឺជាង ៣៤ ០០០នាក់ ចូលមន្ទីរពេទ្យជារៀងរាល់ថ្ងៃ៕