ភ្នំពេញ៖ អ្នកនាង ទូច ស្រីល័ក្ខ ជាតារាចម្រៀង តារាម៉ូដែល និងជាតារាសម្តែង ដែលតែងតែធ្វើឲ្យទស្សនិកជន សើចសប្បាយរីករាយ ជាមួយនឹងពាក្យសម្តី និងកាយវិការដ៏ក្រម៉ិចក្រមើមគួរឲ្យស្រលាញ់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែមួយរយៈក្រោយនេះសង្កេតឃើញថា តារាស្រីរូបនេះ តែងតែបង្ហាញពីអារម្មណ៍សោកសៅ និងអារម្មណ៍មិនសប្បាយចិត្តជាច្រើនលើបណ្ដាញសង្គមស្ទើរតែរាល់ថ្ងៃតែម្តង។ ជាក់ស្តែងកាលពីមួយខែមុននេះ អ្នកនាងក៏បានធ្វើការបង្ហោះរឿងក្តីមួយ ជាការឆ្លើយឆ្លងគ្នាជាមួយនឹងអតីតស្វាមីរបស់នាង។
តួយ៉ាង ស្រាប់តែប៉ុន្មានម៉ោងនេះ អ្នកនាង ទូច ស្រីល័ក្ខ បានធ្វើការបង្ហោះរូបចំនួន ២ សន្លឹកនៅមុខសាលាដំបូងរាជធានី ជាមួយនឹងពាក្យពេចន៍យ៉ាងដូច្នេះថា “រូបខ្ញុំបានមកដល់ហើយ! ហើយយុត្តិធម៌ត្រូវតែមានសំរាប់មនុស្សស្រីរងគ្រោះដូចជារូបខ្ញុំ អ្នកមិនដឹងពីការពិតរបស់ខ្ញុំ អ្នកអាចជេរ អ្នកអាចថា អ្នកអាចចោទ ទាំងរូបខ្ញុំទទួលរង់ការឈឺជាច្រើនឆ្នាំមកនេះ តើខ្ញុំទទួលសំពាធបែបណាខ្លះ ? ប្រឹងញញឹមទាំងទឹកភ្នែក”។
យ៉ាងណាមិញ បន្ទាប់ពីបង្ហោះរូបទាំងនោះរួច សង្កេតឃើញថាមានមហាជន និងអ្នកគាំទ្រនាងជាច្រើនបានខមិនពាក្យលើកទឹកចិត្ត និងឲ្យអ្នកនាងរឹងមាំឡើង៕
សូមទស្សនារូបភាពខាងក្រោមនេះ៖