ក្រោយពរពោះច្រើនខែ មុននេះបន្តិច សួស វីហ្សា សម្រាលកូនដោយជោគជ័យហើយ

ភ្នំពេញ៖ ក្រោយពេលពរពោះកូនដំបូងដែលជាតំណក់ឈាមរួមគ្នាជាមួយស្វាមីជាទីស្រលាញ់ ជាច្រើនខែកន្លងមក ទីបំផុត នៅវេលាមុននេះបន្តិច តារាចម្រៀងស្រី សួស វីហ្សា អាចបានឃើញមុខកូនហើយ ដោយអ្នកនាងទើបតែបានសម្រាលបានកូនស្រីមួយរូប ដោយជោគជ័យនិងសុវត្ថិភាពបំផុត។

ក្នុងនោះផងដែរ បន្ទាប់ពីបានឃើញមុខកូនស្រីដែលទើបនឹងកើតហើយ យើងឃើញថា ស្វាមីរបស់តារាស្រីរូបនេះ លោក ថមមី ពិតជាមានក្ដីត្រេកអរ ញញឹមបិតមាត់មិនជិតនោះឡើយ ព្រោះថាទារិកាតូចនេះ គេទើបតែនឹងកើតពិតមែន ប៉ុន្តែទម្រង់មុខមាត់ កាត់បានទៅរកប៉ាម៉ាក់​និងថែមទាំងគួរឲ្យក្នាញ់ខ្លាំងថែមទៀតផង។

យ៉ាងណាមិញ តាមរយៈដំណឹងដ៏សែនរីករាយមួយនេះ ពេលដែលអ្នកគាំទ្របានទទួលដឹងឮហើយ ពួកគេក៏បាននាំគ្នាសម្ដែងក្ដីចូលរួមត្រេកអរ និងជូនពរឲ្យទាំងម្ដាយនិងកូន មានកសុខភាពល្អ ឆាប់រឹងមាំឡើងវិញ ជាហូរហែរផងដែរ៕

ទស្សនារូបភាពខាងក្រោម៖