ចិន៖ ថ្មីៗនេះ វីដេអូឃ្លីបមួយ កំពុងទទួលបានការចាប់អារម្មណ៍ និងការរិះគន់យ៉ាងខ្លាំងនៅលើបណ្ដាញសង្គមចិន បន្ទាប់ពីអ្នកលក់វត្ថុអនុស្សាវរីយ៍ម្នាក់ បានស្រែកទាំងកំហឹង ទៅលើអ្នកទេសចរណ៍ប្រុសស្រីមួយគូ ដែលមកលេងកម្សាន្តនៅទីក្រុង Dali ភាគនិរតីប្រទេសចិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមវីដេអូឃ្លីប បង្ហាញឲ្យឃើញថា នារីម្នាក់ស្លៀករ៉ូបពណ៌ក្រហម ដែលជាអ្នកលក់ក្នុងហាងវត្ថុអនុស្សាវរីយ៍ បានឈរកាន់ទូរសព្ទថតវីដេអូ និងបញ្ចេញអកប្បកិរិយាខឹងសម្បារ ហើយនិយាយថា «មើលអ្នកទេសចរណ៍ទាំងនេះ! កុំដើរលេង ប្រសិនបើអ្នកឯងគ្មានលុយ»។ ហើយនៅពេលដែលអ្នកទេសចរណ៍មួយគូនោះ ផ្ដាំផ្ញើទៅកាន់អ្នកដើរកាត់ហាង កុំឲ្យទិញអីវ៉ាន់ពីហាង នាងថែមទាំងជេរដោយប្រើពាក្យមិនសមរម្យទៀតផង។
យ៉ាងណាមិញ ជុំវិញរឿងរ៉ាវខាងលើនេះ ត្រូវបានសាយភាយទៅដល់អាជ្ញាធរក្រុង ហើយអាជ្ញាធរក៏បានចាត់វិធានការបិទហាងលក់វត្ថុអនុស្សាវរីយ៍ចំនួនរយៈពេល៣០ថ្ងៃសិនផងដែរ។ ចំណែកឯនារីជាអ្នកលក់វិញ បានចេញមុខសុំទោស និងបកស្រាយ ដោយសរសេររៀបរាប់ទៅលើបណ្ដាញសង្គមថា៖
អ្នកទេសចរណ៍មួយគូនោះ មានចេតនាចង់មកលេងសើចជាមួយខ្ញុំ ដោយពួកគេថានឹងទិញស្គរពីហាង ហើយសុំឲ្យខ្ញុំសម្ដែងការលេងស្គរឲ្យពួកគេមើល។ រាល់ពាក្យសម្ដី ដែលខ្ញុំបាននិយាយនៅក្នុងវីដេអូឃ្លីប គឺពិតជាមិនសមរម្យ និងគ្មានសីលធម៌ពិតមែន។ ហើយខ្ញុំគិតមិនដល់ទេថា វីដេអូឃ្លីបនោះ បង្កឲ្យមានប្រតិកម្មខ្លាំងឡើយ។ ខ្ញុំពិតជាភ័យខ្លាចណាស់ ហើយខ្ញុំក៏មិនដឹងថា ត្រូវប្រឈមមុខជាមួយគ្រួសារ អនាគត និងសាធារណៈបែបណាឡើយ។ ប៉ុន្ដែការគេចវេសពីបញ្ហា មិនមែនជាដំណោះស្រាយទេ ដូចច្នេះ ឥឡូវនេះ ខ្ញុំត្រូវតែក្រោកឈរឡើងដោយភាពក្លាហាន និងសុំទោសទៅដល់មនុស្សគ្រប់គ្នាទាំងអស់៕
សូមទស្សនារូបភាពនិងវីដេអូខាងក្រោម៖
Bong I.T