ស្វីតខ្លាំងណាស់! ទោះ Mik Thongraya រវល់យ៉ាងណាក៏មិនភ្លេចធ្វើរឿងនេះដើម្បី Bow Maylada ដែរ

ថៃ៖ ប្រិយមិត្តប្រាកដជាបានស្គាល់ហើយ តារាប្រុសស្រីទាំងពីររូបនេះ គឺលោក Mik Thongraya និងកញ្ញា Bow Maylada ជាតារាដែលមានទេពកោសល្យខ្ពស់ក្នុងការសម្តែង ក៏ដូចជាមានសម្រស់ស្រស់ស្អាត និងស្រស់សង្ហាថែមទៀត។ មិនតែប៉ុណ្ណោះអ្នកទាំងពីរក៏ត្រូវបានគេដឹងថា ជាគូស្នេហ៍នឹងគ្នាទៀតផង។

យ៉ាងណាមិញ កាលពីថ្មីៗនេះ តាមការផ្តល់បទសម្ភាសន៍ Mik បានទម្លាយប្រាប់អ្នកសារព័ត៌មានពីរឿងទំនាក់ទំនងស្នេហារវាងលោកនិង Bow ។

នៅក្នុងកិច្ចសម្ភាសន៍នោះផងដែរ លោកបានបញ្ជាក់យ៉ាងច្បាស់ៗថា Bow Maylada ជាមិត្តស្រីរបស់លោក។ តារាប្រុសរូបនេះក៏បានបន្ថែមទៀតថា ដោយសារតែមួយរយៈនេះមមាញឹកជាមួយការងារពេក ទើបមិនសូវបានជួប Bow ញឹកញាប់ដូចមុនទេ យូរៗម្តងទើបមានពេលវេលាជួបគ្នាដើម្បីញុំាអាហារជាមួយនាង ប៉ុន្តែភាគច្រើនគឺបាននិយាយទូរស័ព្ទជាមួយគ្នា។

មិនតែប៉ុណ្ណោះ តារាប្រុសរូបនេះក៏បានទម្លាយថា ទោះជាយ៉ាងណាក៏ដោយលោកតែងតែផ្ញើផ្កាជូននាងជានិច្ច ដើម្បីផ្តល់ជាកម្លាំងចិត្តដល់នាងក្នុងការខិតខំប្រឹងប្រែងធ្វើការផងដែរ៕

សូមទស្សនារូបភាពខាងក្រោម៖