សេអ៊ូល៖ អាជ្ញាធរកូរ៉េខាងត្បូងបានរាយការណ៍ថា មនុស្សយ៉ាងហោចណាស់ ៨៨នាក់ បានរងរបួសស្រាល បន្ទាប់ពីអគ្គិភ័យបានឆាបឆេះអគារផ្ទះល្វែងលំដាប់ខ្ពស់មួយ នៅក្នុងទីក្រុងកំពង់ផែរបស់ប្រទេសកូរ៉េខាងត្បូង កាលពីវេលាម៉ោងប្រហែល ១១:០០នាទីយប់ (ម៉ោងនៅកូរ៉េខាងត្បូង)។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែវីដេអូចេញពីកន្លែងកើតហេតុស្ថិតនៅក្នុងទីក្រុង Ulsan បានបង្ហាញឱ្យឃើញអណ្ដាតភ្លើងដ៏សម្បើម ដែលកំពុងឆេះខ្មួលលើអគារកម្ពស់ ៣៣ជាន់ ខណៈក្រុមពន្លត់អគ្គិភ័យព្យាយាមពន្លត់ភ្លើងពីខាងក្រោម។
គួរជម្រាបដែរថា រហូតមកដល់ពេលនេះ មិនទាន់មានសេចក្តីរាយការណ៍ស្តីពីចំនួនស្លាប់ឬរបួសធ្ងន់ធ្ងរនៅឡើយទេ។ ចំណែកមូលហេតុ ដែលបង្កជាអគ្គិភ័យឆាបឆេះឡើង គឺកំពុងស្ថិតនៅក្រោមការស៊ើបអង្កេតរបស់ក្រុមមន្ត្រីជំនាញ៕
Bong I.T