ក្រោយពីសួរនាំគម្រោងរៀបមង្គលការ ស្រាប់តែតារាស្រីល្បីៗទាំងនេះឆ្លើយបែបនេះទៅវិញ!

ថៃ៖ កាលពីថ្មីនេះ សារព័ត៌មានថៃបានធ្វើការសម្ភាសន៍តារាថៃស្រីល្បីៗចំនួន ៣ រូបទាក់ទិនពីផែនការ និងរៀបមង្គលការ។ គួរបញ្ជាក់ផងដែរថា សម្រាប់តារាស្រីទាំង ៣ នេះត្រូវបានគេស្គាល់ថាជាគូស្នេហ៍រវាងតារា និងតារាដូចគ្នាផងដែរ។

ចង់ដឹងថា តើពួកគេបានឆ្លើយយ៉ាងដូចម្តេចខ្លះ នៅពេលផ្តល់បទសម្ភាសន៍ជាមួយអ្នកសារព័ត៌មាន?

១. Yaya Urassaya
សម្រាប់តារាស្រីល្បីឈ្មោះ Yaya គ្រាន់តែបង្ហើបថា នាងកំពុងរង់ចាំពេលវេលាដែល Nadech សុំនាងរៀបការ ព្រោះនេះជាក្តីសុបិន្ត និងជាអ្វីៗដែលមនុស្សស្រីគ្រប់រូបចង់បាន។

២. Bella Ranee
រីឯតារាស្រីសម្រស់ស្រស់ស្អាត Bella បាននិយាយថា សម្រាប់រឿងរៀបការគឺមិនទាន់គិតនៅឡើយទេ ព្រោះបច្ចុប្បន្ននេះកំពុងតែសប្បាយចិត្តនឹងអ្វីដែលកំពុងមានបូករួមទាំងការងារ និងស្នេហាផងដែរ។

៣. Min Pechaya

ដោយឡែក Min វិញបាននិយាយថា បច្ចុប្បន្ននេះរវាងនាង និងគូដៃគឺមិនទាន់គិតពីផែនការរៀបការអ្វីឡើយ។ នាងក៏បានបន្ថែមទៀតថា សម្រាប់រូបនាងគឺមិនប្រញាប់ចូលរោងការពេកនោះទេ៕