សមុទ្រម្ទេស! ម្ទេសក្រៀមក្រហមឆ្អិនឆ្អៅ លាតសន្ធឹងពេញកសិដ្ឋាននៅប្រទេសចិន ក្នុងរដូវប្រមូលផល

ចិន៖​ ថ្មីៗនេះ មានរូបភាពប៉ុន្មានសន្លឹកថតពីលើអាកាស ដែលបង្ហាញឲ្យឃើញពីកសិករប្រមូលផលម្ទេសក្រៀម នៅកសិដ្ឋានដ៏ធំមួយកន្លែង ស្ថិតក្នុងតំបន់ស្វយ័ត Xinjiang ភាគពាយព្យនៃប្រទេសចិន។

ប្រភពព័ត៌មានបានឲ្យដឹងថា កសិករបានជ្រើសរើសការដាំម្ទេស បន្ទាប់ពីប្រមូលផលដំណាំខ្ទឹមរបស់ពួកគេ នៅកំឡុងខែឧសភា។ ហើយម្ទេសពេលដែលវាក្រៀម ត្រូវបានគេចាប់ផ្ដើមប្រមូលផលដាក់ចូលបាវ នៅកំឡុងខែសីហា រហូតដល់ខែតុលានេះ មុនពេលដឹកជញ្ជូនទៅលក់នៅលើទីផ្សារក្នុងប្រទេស និងនាំចេញទៅក្រៅប្រទេសផងដែរ។

ហើយក្នុងមួយថ្ងៃ កសិករអាចប្រផូលផលម្ទេសបានចាប់ពី៥ហិកតា ដល់៨ហិកតា ឬស្មើនឹងម្ទេសចំនួន១៦០តោន ដល់២៤០តោនឯណោះ។

យ៉ាងណាមិញ ប្រាក់ចំណេញពីការនាំចេញម្ទេសភាគច្រើន មិនសូវបានមកលើកសិករដែលខិតខំប្រឹងប្រែងក្នុងការដាំឡើយ បែរជាធ្លាក់ទៅលើពាណិជ្ជករ និងវិនិយោគិនទៅវិញ៕

សូមទស្សនារូបភាពខាងក្រោម៖​