សេអ៊ូល៖ ទិន្នន័យស្ថិតិផ្លូវការបានបង្ហាញកាលពីថ្ងៃព្រហស្បតិ៍ទី ៨ ខែតុលាថា ផលិតកម្មស្រូវរបស់ប្រទេសកូរ៉េខាងត្បូងត្រូវបានគេប៉ាន់ស្មានថានឹងធ្លាក់ចុះ ៣% នៅឆ្នាំនេះ ដោយសារលក្ខខណ្ឌអាកាសធាតុមិនល្អ និងតំបន់ដាំដុះមានការថយចុះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមស្ថិតិរបស់ប្រទេសកូរ៉េបានឱ្យដឹងថា ស្រូវចម្រុះប្រមាណ ៣,៦៣១,០០០ តោនដែលជាអាហារចម្បងសម្រាប់ប្រជាជនកូរ៉េខាងត្បូងត្រូវបានគេរំពឹងថានឹងត្រូវផលិតនៅក្នុងប្រទេសនេះក្នុងឆ្នាំ ២០២០ ។ តួលេខនេះបានធ្លាក់ចុះ ៣% ប្រៀបធៀបនឹងឆ្នាំមុនឆ្នាំមុន។ ទៀតសោត នេះគឺជាតួលេខដែលធ្លាក់ចុះដល់កម្រិតទាបបំផុតចាប់តាំងពីឆ្នាំ ១៩៨០ ដោយរក្សានូវការធ្លាក់ចុះសម្រាប់ឆ្នាំទី ៥ ជាប់ៗគ្នា។
មូលហេតុដែលទិន្នផលស្រូវទាបនេះត្រូវបានគេសន្មតថា ដោយសាររដូវវស្សាដែលអូសបន្លាយដោយព្យុះ ក៏ដូចជាការបន្តធ្លាក់ចុះនៃដីស្រែបង្ករបង្កើនផល។ ទំហំផ្ទៃដីធ្វើស្រែនៅទូទាំងប្រទេសបានធ្លាក់ចុះ ០.៥% ស្មើនឹងចំនួន ៧២៦,៤៣២ ហិកតានៅឆ្នាំនេះ។
គួរឱ្យដឹងផងដែរថា ការប្រើប្រាស់ស្រូវនៅក្នុងប្រទេសបាននឹងកំពុងធ្លាក់ចុះនៅក្នុងប៉ុន្មានទសវត្សរ៍ថ្មីៗនេះដោយសារតែការផ្លាស់ប្តូរទម្លាប់នៃការបរិភោគ៕
ប្រភព៖ ទីភ្នាក់ងារសារព័ត៌មានកូរ៉េយ៉ុនហាប់