ភិន សុដាលីស ធ្វើខួបកំណើតឲ្យកូនស្រីយ៉ាងសាមញ្ញ តែពោរពេញដោយស្នាមញញឹម

ភ្នំពេញ៖ តារាសម្ដែងស្រី ភិន សុដាលីស ជាតារាមួយរូបដែលមហាជនបានស្គាល់នាងយ៉ាងច្បាស់តាមរយៈការសម្ដែងខ្សែភាពយន្តភាគ និងកុនខ្នាតធំ ហើយរាល់ស្នាដៃរបស់អ្នកនាងគឺតែងតែទទួលបានការគាំទ្រច្រើនពីសំណាក់មហាជន។ អ្នកនាង ភិន សុដាលីស មិនត្រឹមតែមានទេពកោសល្យផ្នែកសិល្បៈនោះទេ ​តែបើក្រឡេកមើលពីស្ទាយ៍តុបតែងខ្លួនវិញគឺកាលីប ហាយសូមិនចាញ់តារាបរទេសឡើយ ដែលកាន់តែបង្កើនភាពទាក់ទាញ់ដល់ហ្វេនៗឲ្យកាន់ស្រលាញ់ និងគាំទ្រផងដែរ។ 

យ៉ាងណាមិញ បើយើងក្រឡេកមើលលើជីវិតស្នេហារបស់អ្នកនាងគឺមានភាពបរាជ័យ ដែលស្ពាយឈ្មោះជាស្រ្តីមេម៉ាយ មើលថែកូនស្រីតែមួយម្នាក់ឯង ប៉ុន្តែ អ្នកនាង ភិន សុដាលីស នៅតែមានទំនួលខុសត្រូវ និងមានការមើលថែកូនស្រីបានយ៉ាងល្អបំផុត។

ជាពិសេសកាលពីពេលម្សិលមិញនេះ អ្នកនាងបានរៀបចំកម្មវិធីជប់លៀងថ្ងៃកំណើតឱ្យកូនស្រីបណ្ដូលចិត្តរបស់អ្នកនាងយ៉ាងសប្បាយរីករាយ និងយា៉ងកក់ក្ដៅ ហើយនៅក្នុងកម្មពិធីនោះដែលក៏មានមិត្តៗសិល្បៈចូលរួមផងដែរ។ នៅក្នុងកម្មពិធីខួបកំណើតកូនស្រី ភិន សុដាលីស បានបង្ហោះរូបភាពជាច្រើនសន្លឹកដែលបង្ហាញពីកាយវិការស្និទ្ធស្នាល ពោរពេញដោយក្ដីស្រលាញ់ដែលម្ដាយមានចំពោះកូន មើលទៅពួកគេពិតជាមានសេចក្ដីសុខជាមួយគ្នាខ្លាំងណាស់ ក្នុងនោះដែលហ្វេនៗជាច្រើនបានជូនពរនាង និងកូនស្រីនៅក្នុងថ្ងៃពិសេសនោះផងដែរ៕

សូមទស្សនារូបភាពខាងក្រោម៖