ថ្មីៗនេះ ក្លិបបិសាចក្រហម Manchester United បានប្រកាសពីសមាសភាពកីឡាករចំណូលថ្មី ដែលទើបតែផ្ទេរមកពីក្លិប FC Porto នៅថ្ងៃចុងក្រោយនៃការបើកទ្វារដោះដូរកីឡាករគឺខ្សែបម្រើស្លាបឆ្វេង Alex Telles ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សAlex Telles បានសារភាពថា គាត់បាននិយាយរឿងមួយចំនួនជាមួយ Bruno Fernandes ទាក់ទងនឹងក្រុមថ្មីដែលទើបតែចូលរួមនេះ និងកីឡាករដែលគាត់នឹងហ្វឹកហាត់ជាមួយក៏ដូចលេងជាមួយគ្នាជាលក្ខណៈផ្លូវការផងដែរ។
ខ្សែការពាររូបនេះបានស្គាល់ Fernandes តាំងពីពួកគេលេងនៅព័រទុយហ្កាល់ជាមួយគ្នាម្ល៉េះ ដែលកាលនោះ Bruno លេងឱ្យក្លិប Sporting CP មុនពេលដែលគាត់ផ្លាស់មកទឹកដីអង់គ្លេស។
កីឡាករ Telles បានប្រាប់គេហទំព័ររបស់ក្លិបថា “ខ្ញុំជឿជាក់ថាខ្ញុំនឹងជួបក្រុមដ៏អស្ចារ្យមួយ ហើយខ្ញុំក៏បាននិយាយទៅកាន់ Bruno ដែរពីរឿងនេះ ហើយគាត់បានឆ្លើយតបមកវិញថា គាត់ស្វាគមន៍ជានិច្ច។ ខ្ញុំជឿជាក់ថាខ្ញុំនឹងធ្វើខ្លួនឱ្យបានល្អបំផុតពេលបានជួបក្រុមថ្មី” ៕
ប្រភព៖ Tribuna