ថ្នាក់ដឹកនាំរបស់ក្លិប Barcelona បានរៀបចំផែនការថ្មី ដើម្បីដោះស្រាយបំណុលរបស់ក្លិប

យោងតាមរបាយការណ៍ពី Esport3 ក្លិប Barcelona បានស្នើឱ្យមានការកាត់ប្រាក់ឈ្នួលជាថ្មីដល់បុគ្គលិកគ្រប់ជាន់ថ្នាក់របស់ក្លិប រួមទាំងកីឡាករអាជីពទាំងអស់ផងដែរ។

ក្រុមប្រឹក្សាភិបាលមានពេល ១៥ ថ្ងៃដើម្បីចរចាលក្ខខណ្ឌថ្មីនេះ ដោយសារវិធានការដែលត្រូវបានអនុម័តរួចហើយដើម្បីទប់ស្កាត់ផលប៉ះពាល់នៃជំងឺ COVID-១៩ នៅមិនទាន់គ្រប់គ្រាន់នៅឡើយ។

តាមរយៈវិទ្យុរបស់ក្លិបបាសេឡូណាដែលគេឱ្យឈ្មោះថា COPE បានលើកឡើងថា នាយកដ្ឋានធនធានមនុស្សបានផ្ញើលិខិតទៅកាន់ប្រធានក្រុមបាសេឡូណា (ក្រុម B) រួចហើយដើម្បីជូនដំណឹងដល់ពួកគេអំពីការកាត់បន្ថយប្រាក់ឈ្នួលរបស់ពួកគេ។

កាលពីម្សិលមិញក្លិបបានរាយការណ៍អំពីបំណុលសរុបចំនួន ៤៨៨ លានផោនផងដែរ។ ជាការកត់សម្គាល់ កីឡាករទាំងអស់ក្នុងក្រុម A ត្រូវបានក្លិបកាត់ប្រាក់ឈ្នួលរួចហើយកាលពីខែមីនា នៅពេលដែលជំងឺរាតត្បាតកំពុងស្ថិតក្នុងដំណាក់កាលដំបូង៕

ប្រភព៖ Tribuna