បាគូ៖ ពលរដ្ឋអាស៊ែបៃសង់ ដែលរស់នៅទីប្រជុំជន ក្នុងទីក្រុង Tartar ត្រូវបានបង្ខំឱ្យភៀសខ្លួនចេញពីផ្ទះរបស់ពួកគេ ខណៈពេលដែលការប្រយុទ្ធគ្នារវាងទាហានអាស៊ែបៃសង់និងអេមេនី នៅក្នុងតំបន់ ណាហ្គ័រណូ ការ៉ាបាក់ បាននឹងកំពុងឡើងកំដៅកាន់តែខ្លាំងឡើង អស់រយៈពេលជាង១សប្តាហ៍កន្លងមកនេះ។ នៅតាមដងផ្លូវនានាក្នុងទីក្រុង Tartar បានប្រែទៅជាស្ងាត់ជ្រងំ ចាប់តាំងពីទាហានអាស៊ែបៃសង់បានយកទីតាំងនេះ ហើយប្រែទៅជាសមរភូមិដ៏ក្តៅគគុក រវាងការបាញ់ផ្លោងដាក់គ្នាជាមួយទាហានអាមេនី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
អាជ្ញាធរអាស៊ែបៃសង់និយាយថា ប្រជាជនចំនួន៧ម៉ឺននាក់ នៅទីក្រុង Tartar បានភៀសខ្លួនទៅទីកន្លែងផ្សេងៗ ដោយមួយចំនួនធំទៅទីក្រុង Barda ដែលមានចម្ងាយប្រមាណ ២០គីឡូម៉ែត្រពីទីនេះ។ ប៉ុន្តែបើទោះបីជានៅឆ្ងាយពីតំបន់ជួរមុខក៏ដោយ ក៏ក្រុង Barda នេះបានទទួលរងការវាយប្រហារ ដោយកាំជ្រួចមីស៊ីលដែរ។
គួរឱ្យដឹងដែរថា ជម្លោះទឹកដីរវាងអតីតសាធារណរដ្ឋសូវៀតទាំងពីរ គឺអាស៊ែបៃសង់និងអាមេនី នៅតំបន់ផ្តាច់ខ្លួនការ៉ាបាក់ ចាប់ផ្តើមផ្ទុះឡើងកាលថ្ងៃទី ២៧ ខែកញ្ញា។ ហើយរហូតមកដល់ពេលនេះ មានមនុស្សជាង ២៤០នាក់ បានស្លាប់បាត់បង់ជីវិត ក្នុងនោះក៏មានទាំងជនស៊ីវិលផងដែរ៕
Bong I.T