ភ្នំពេញ៖ កាលពីពេលថ្មីៗនេះ កម្មវិធីប្រកួតសម្រស់ Miss Grand Cambodia ឆ្នាំ ២០២០ ត្រូវបានបញ្ចប់ និងជ្រើសរើសបានម្ចាស់ជ័យលាភីផងដែរ។ បើងាកទៅមើលបវរកញ្ញាលំដាប់រងទីមួយ ដែលជាបេក្ខនារី តំណាងឲ្យខេត្តព្រះសីហនុ កញ្ញា លឹម សុធារី ក៏មានសមត្ថភាព និងរូបសម្រស់មិនណយផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងអំឡុងពេលប្រកួត គេង្កេតឃើញអតីតបេក្ខភាពរូបនេះ មានភាពជឿជាក់ខ្លាំងតែម្ដង មិនតែប៉ុណ្ណោះគ្រប់ពេលដែលនាងបង្ហាញមុខម្ដងៗ មិនថាក្នុងឈុតហែលទឹក ឈុតតំណាងខេត្ត និងស្លៀករ៉ូបរាត្រីស្រមោលសនោះទេ គឺធ្វើបានល្អតែម្ដង ជាពិសេសនាងតែងតែទទួលបានការចាប់អារម្មណ៍ច្រើនពីទស្សនិកជន និងហ្វេនផ្ទាល់។ ម្យ៉ាងវិញទៀត បេក្ខនារីរូបនេះក៏មានលេចធ្លោខ្លាំង ដោយនាងមានមុខមាត់ស្រស់ស្អាតផូរផង់ និងស្នាមញញឹមយ៉ាងទាក់ទាញ ចំណែករូបរាងវិញក៏ស្រឡូន និងមានស្បែកសភ្លឺថ្លាផងដែរ។
ជាក់ស្ដែង បន្ទាប់ពីបញ្ចប់ការប្រកួត និងគ្រងនៅតំណែងលំដាប់រងទី១រួចមក បច្ចុប្បន្ន កញ្ញា លឹម សុធារី ក៏មានភាពមមាញឹកជាមួយការងារថតសម្អាង និងការងារផ្សេងៗក្នុងរង្វង់សិល្បៈផងដែរ។ ក្នុងនោះដែរ នាងថតរូបជាមួយឈុតកូនក្រមុំបែបបុរាណ មើលទៅពិតជាស្រស់ស្អាតបែបស្រទន់ និងសមសួនសាកសមជាមួយនារីខ្មែរខ្លាំង លើសពីនេះទៅទៀត គ្រប់រូបភាពទាំងនោះបានបង្ហាញឲ្យឃើញថា នាងស្រស់សោភាតាមបែបធម្មជាតិតែម្ដង៕
ប្រភពរូបភាព៖ ឌី សូនិត្តា សំអាងការ
សូមទស្សនារូបភាពខាងក្រោម៖