ព្រះវិហារ៖ តារាចម្រៀងប្រុសវ័យក្មេង លោក វណ្ណដា ពីមួយថ្ងៃទៅមួយថ្ងៃ តែងតែកើនប្រជាប្រិយភាពបានតាមរយៈបទចម្រៀងថ្មីៗបែបញាក់កន្ដ្រាក់អារម្មណ៍របស់លោក ព្រមទាំងបានក្លាយជាអាយដលក្នុងដួងចិត្តហ្វេនៗជាច្រើនផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ មិនត្រឹមតែមានសមត្ថភាពសិល្បៈសម្បូរបែបហើយ លោកវណ្ណដា ក៏ត្រូវបានប្រិយមិត្តទាំងអស់កោតសរសើរចំពោះអត្តចរិតស្លូតបូត ចិត្តល្អ មានចិត្តសប្បុរសធ្វើសកម្មភាពមនុស្សធម៌ជាច្រើនលើកច្រើនសាមកហើយ មានដូចជា ជួយនិងចុះសួរសុខទុក្ខ កុមារកំព្រា និងជនចាស់ជរាជាដើម។
ជាក់ស្ដែង កាលពីថ្ងៃទី ២៩ កញ្ញា ២០២០ កន្លងផុតទៅ តារាចម្រៀងប្រុសមាឌតូចសម្លេងធំរូបនេះ បានធ្វើសកម្មភាពក្នុងកម្មវិធីSKULL សប្បុរសធម៌ដែលផ្តួចផ្តើមឡើងដោយ វណ្ណដា ផ្ទាល់ ក្រុមការងារ ហើយសប្បុរសជនមួយចំនួនទៀត ព្រមទាំងមានថ្នាក់ដឹកនាំខេត្តព្រះវិហារចូលរួមជាកិត្តិយស បានបរិច្ចាគគ្រឿងឧបភោគ បរិភោគទៅកាន់សហគមន៍មួយ នៅក្នុងខេត្តព្រះវិហារ ក្នុងកិច្ចការរួមចំណែកកាត់បន្ថយភាពខ្វះខាតប្រជាជនខ្មែរយើងចំនួន៨១ គ្រួសារ កំឡុងពេលជំងឺរាតត្បាត កូវីដ-១៩នេះ។
តាមរយៈរូបភាពរូបភាពជាច្រើនសន្លឹកដែល វណ្ណដា បានចែកចាយនៅលើផេកហ្វេសប៊ុកជាផ្លូវការ បានបង្ហាញពីទិដ្ឋភាពសកម្មភាពទាំងស្រុង មានចាស់ជរាជាច្រើននាក់បានចូលរួមកម្មវិធីនេះ ជាពិសេស បង្ហាញទឹកមុខសប្បាយរីករាយទទួលយកអំណយពីតារារូបនេះគ្រប់គ្នា។ បន្ថែមពីនេះ ទង្វើដ៏ប្រពៃមួយនេះរបស់ វណ្ណដា បានធ្វើឲ្យហ្វេនៗពេញចិត្តនិងសរសើរមិនដាច់ពីមាត់គ្រប់គ្នា សាកសមជាអាយដលរបស់អ្នករាល់គ្នាប្រាកដមែន៕
ចង់ជ្រាបច្បាស់ ទស្សនារូបភាពខាងក្រោម៖