ភ្នំពេញ៖ បច្ចុប្បន្ននេះសង្កេតឃើញថា សុភ័ក្រ កុសុម៉ា ពិតជាទទួលបានប្រជាប្រិយភាពយ៉ាងខ្លាំងពីសំណាក់មហាជនគ្រប់ទិសទី ដោយសារតែតារាស្រីរូបនេះតែងតែធ្វើឲ្យមហាជនផ្ទុះសំណើចសើចសប្បាយ តាមរយៈកាយវិការកំប្លែងពូកែនិយាយសម្តីចាក់ទឹកមិនលិច។ មិនតែប៉ុណ្ណោះ នាងថែមទាំងមានទេពកោសល្យច្រៀងចម្រៀងបានយ៉ាងពីរោះ និងធ្វើពិធីការិនីបានយ៉ាងល្អទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាងកាលពីយប់មិញនេះ សុភ័ក្រ កុសុម៉ា បានទៅចូលរួមកម្មវិធីមួយនៅឯភោជនីយដ្ឋាន Rose Wood។ ក្នុងនោះផងដែរ ក៏ឃើញមានវត្តមានរបស់កំពូលតារាចម្រៀងប្រចាំផលិតផលហង្សមាសគឺអ្នកនាង ឱក សុគន្ធកញ្ញា បានទៅចូលរួមក្នុងកម្មវិធីនោះផងដែរ។
យ៉ាងណាមិញ អ្នកទាំងពីរក៏បានជួបសំណេះសំណាល និងនិយាយគ្នាលេងយ៉ាងសប្បាយរីករាយ ជាមួយនឹងកាយវិការដ៏កំប្លុកកំប្លែងរបស់ កុសុម៉ា ធ្វើឲ្យអ្នកនាង ឱក សុគន្ធកញ្ញា សឹងតែទប់សំណើចមិនជាប់។ ភ្លាមៗនោះផងដែរ ស្រាប់តែមិត្តភក្តិរបស់ កុសុម៉ា បានពញ្ញាក់នាងឲ្យភ្ញាក់ ទើបទប់ស្មារតីមិនជាប់ បែរជាច្រឡំដៃវាយអ្នកនាង ឱក សុគន្ធកញ្ញា តែម្តងទៅ៕
ចង់ដឹងថា តើកាយវិការនោះយ៉ាងណាខ្លះ? សូមទស្សនាវីដេអូខាងក្រោមនេះទាំងអស់គ្នា៖