ក្រុមជម្រើសជាតិអ៊ីរ៉ង់នឹងត្រូវជួបក្រុមជម្រើសជាតិអ៊ូបេគីស្ថានក្នុងការប្រកួតមិត្តភាពនាថ្ងៃទី ៨ ខែតុលានេះ

អ៊ីរ៉ង់៖ ប្រព័ន្ធផ្សព្វផ្សាយក្នុងស្រុកបានរាយការណ៍កាលថ្ងៃចន្ទថា ក្រុមបាល់ទាត់ជម្រើសជាតិអ៊ីរ៉ង់នឹងប្រកួតមិត្តភាពជាមួយក្រុមជម្រើសជាតិអ៊ូបេគីស្ថាននៅថ្ងៃព្រហស្បតិ៍នេះ។ ការប្រកួតនេះនឹងធ្វើឡើងនៅពហុកីឡដ្ឋាន Pakhtakor Central ដែលនេះគឺជាផ្នែកមួយនៃការរៀបចំសម្រាប់ការប្រកួតដែលនៅសេសសល់នៃវគ្គជម្រុះ FIFA World Cup ក្នុងឆ្នាំ ២០២២ នេះ។

ការប្រកួតនេះផងដែរនឹងក្លាយជាការប្រកួតលើកដំបូងរបស់អ៊ីរ៉ង់នៅកម្រិតថ្នាក់ជាតិក្រោមការដឹកនាំរបស់លោក Dragan Skocic ។

គួររំលឹកផងដែរថា បច្ចុប្បន្ននេះក្រុមជម្រើសជាតិអ៊ីរ៉ង់កំពុងឈរនៅលេខ ៣ នៅពីក្រោយក្រុមជម្រើសជាតិអ៊ីរ៉ាក់ និងបារ៉ែនក្នុងពូល C នៃវគ្គជម្រុះតំបន់អាស៊ីសម្រាប់ពានរង្វាន់ FIFA World Cup នៅប្រទេសកាតា ឆ្នាំ ២០២២ ខាងមុខ៕

សូមទស្សនារូភាពខាងក្រោមនេះ៖

ប្រភព៖ ទីភ្នាក់ងារសារព័ត៌មានចិន​ស៊ីនហួរ