ភ្នំពេញ៖ ជាការពិតណាស់ ក្រុមតារាចម្រៀងប្រុស Mustache Band ត្រូវបានមហាជនដែលជាអ្នកគាំទ្រ បានស្គាល់និងពេញចិត្តតាំងពីអំឡុងឆ្នាំ ២០១៦ មកម្ល៉េះ ដោយសារសមាជិកទាំង ៥ នាក់ក្នុងក្រុមនេះ ពួកគេសុទ្ធតែមានទេពកោល្យល្អៗ ខុសប្លែកពីគ្នា ពិសេសគឺរូបសម្បត្តិស្រស់សង្ហាមិនចាញ់គ្នាប៉ុន្មានឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយក្នុងនោះដែរ សមាជិកម្នាក់ គឺលោក ចេន ដែលជាមេក្រុម របស់ក្រុមនេះ ក្រៅពីមានទេពកោសល្យដ៏ពូកែហើយ តារាប្រុសរូបនេះ ក៏មានរូបរាងសង្ហា គួរជាទីចាប់អារម្មណ៍សម្រាប់អ្នកគាំទ្រផងដែរ គួបផ្សំនិងសមត្ថភាពច្រៀងយ៉ាងផ្អែមពីរោះថែមទៀតនោះ ទើបធ្វើឲ្យលោក កាន់តែមានអ្នកគាំទ្រច្រើនពីមួយថ្ងៃទៅមួយថ្ងៃគួរឲ្យកត់សម្គាល់។
ដោយឡែក បើងាកមកមើលជីវិតឯកជនរបស់ តារាប្រុសរូបនេះវិញ យើងឃើញថា ទោះបីជាស្របពេលនេះ កេរ្តិ៍ឈ្មោះរបស់លោក កំពុងមានភាពល្បីល្បាញខ្លាំងយ៉ាងណាក៏ដោយ ប៉ុន្តែ លោក ចេន នៅតែចូលចិត្តប្រើជីវិតយ៉ាងសាមញ្ញៗដើរតាមទីសាធារណៈ អង្គុយញ៉ាំអាហារតាមផ្លូវធម្មតាៗ មើលទៅមិនចេះវាយឬកឆ្មើងឆ្មៃ ឬប្រកាន់ខ្លួន ជាតារាចម្រៀងល្បីមួយរូបនោះឡើយ។
នេះបើយោងតាមវីដេអូ ដែលគេបានប្រទះឃើញ និងលួចថតបាន លោកកំពុងអង្គុយញ៉ាំអាហារតាមផ្លូវមួយកន្លែង។ ដែលតាមរយៈវីដេអូមួយនេះ នៅពេលអ្នកនិយមលេងបណ្ដាញសង្គមជាច្រើនបានឃើញហើយ ពួកគេបាននាំគ្នាពោលពាក្យសរសើរដល់តារាប្រុសរូបនេះ ជាហូរហែរផងដែរ៕
ទស្សនារូបភាព និង វីដេអូខាងក្រោម៖