ចិន៖ កាលពីពេលថ្មីៗនេះ ក្រុមហ៊ុនផលិតដែកថែបមួយនៅប្រទេសចិន បានធ្វើរឿងយ៉ាងពិសេស តាមរយៈការចែករថយន្ដស៊េរីថ្មីចំនួន ៤,១១៦គ្រឿងដល់បុគ្គលិក ដែលជារង្វាន់លើកទឹកចិត្ដចំពោះការទទួលបានប្រាក់ចំណេញលើសគោលដៅ ក្នុងរយៈពេល៥ឆ្នាំជាប់ៗគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកម្មវិធីចែកជូនរថយន្ដរបស់ក្រុមហ៊ុនដែកថែបឈ្មោះ Jiangxi West Dajiu បានប្រារព្ធឡើងកាលពីថ្ងៃទី០១ ខែតុលា ឆ្នាំ២០២០ ដើម្បីអបអរសាទរភាពជោគជ័យ និងផ្ដល់រង្វាន់ជាទីគាប់ចិត្ដដល់និយោជិក ដែលបានរួមចំណែកបង្កើនប្រាក់ចំណេញដល់ក្រុមហ៊ុនក្នុងរយៈពេលប៉ុន្មានឆ្នាំចុងក្រោយមកនេះ។ យ៉ាងណាមិញ ដើម្បីជាការតបស្នង អ្នកគ្រប់គ្រងក្រុមហ៊ុនបានសម្រេចថា នឹងចែករថយន្ដម្នាក់មួយគ្រឿង ជាដំណាក់កាលៗនៅមុនប៉ុន្មានសប្ដាហ៍នៃពិធីបុណ្យជាតិរបស់ប្រទេសចិន។
ក្នុងចំណោមរថយន្ដទាំងអស់ រួមមានរថយន្ដម៉ាក Jiangling Ford Territory ចំនួន ២,៩៣៣គ្រឿង និងម៉ាក FAW-Volkswagen Magotan ចំនួន ១,១៨៣គ្រឿង ដែលមានតម្លៃសរុបប្រហែល ៥០០លានយ័ន (ឬប្រហែលស្មើនឹង ៧៤លានដុល្លារអាមេរិក)។ ជាមួយគ្នានោះ ខាងក្រុមហ៊ុនក៏បានប្រកាសថា នឹងចំណាយលើថ្លៃស្លាកលេខ ពន្ធ និងការធានារ៉ាប់រងរថយន្ដរយៈពេល៥ឆ្នាំផងដែរ៕
សូមទស្សនារូបភាពខាងក្រោម៖