មើលសឹងមិនស្គាល់! ទេព បូព្រឹក្ស លេងខ្លួនប្លែកតាមបែបអឺរ៉ុប ជាមួយសម្បុរខ្មៅ និងស្ទាយ៍សក់រួញយ៉ាងស្រស់ស្អាត

ភ្នំពេញ៖ តារាចម្រៀងស្រីល្បីឈ្មោះ ទេព បូព្រឹក្ស បច្ចុប្បន្ននេះសង្កេតឃើញថា នាងកាន់តែជោគជ័យលើវិថីសិល្បៈបន្ទាប់ពីខិតខំប្រឹងប្រែង និងពុះពារអស់រយៈពេលជាច្រើនឆ្នាំមកនេះ។ មិនតែប៉ុណ្ណោះ តារាចម្រៀងស្រីរូបនេះក៏មានមុខជំនួញផ្ទាល់ខ្លួនថែមទៀតផង។

តួយ៉ាង បន្ទាប់ពីជោគជ័យការងារជាច្រើនមកក៏សង្កេតឃើញថា ទេព បូព្រឹក្ស កាន់តែមានជីវិតហ៊ឺហារជាងមុនជាមួយគូស្នេហ៍គឺលោក ជី ដេវីត នាពេលប៉ុន្មានខែចុងក្រោយនេះ។

យ៉ាងណាមិញ ទោះបីជាតារាចម្រៀងរូបនេះហាក់មមាញឹកខ្លាំងជាមួយការងារក៏ពិតមែន ប៉ុន្តែបើនិយាយពីការតុបតែងខ្លួន គឺប្លែកស្ទើររាល់ថ្ងៃតែម្តង បើមើលតាមការ Live នៅក្នុងបណ្តាញសង្គម។ រីឯសម្លៀកបំពាក់វិញ មិនដែលជាន់ម៉ូដគ្នាឡើយ គឺថាប្លែកៗរហូតតែម្តង។

ជាក់ស្តែងកាលពីប៉ុន្មានម៉ោងមុននេះ កញ្ញា ទេព បូព្រឹក្ស បានធ្វើការបង្ហោះរូបប៉ុន្មានសន្លឹកជាមួយការតុបតែងខ្លួនប្លែកមិនធ្លាប់បានឃើញឡើយ។ ជាមួយនឹងម៉ូដសក់រួញដ៏ទាក់ទាញ រីឯពណ៌សម្បុរវិញដូចខាងប៉ែកអ៊ឺរ៉ុប ដែលមានស្បែកខ្មៅៗមើលទៅពិតជាប្លែកខ្លាំងមែនទែន។ គ្រាន់តែតារាចម្រៀងរូបនេះបង្ហោះភ្លាម អ្នកគាំទ្រជាច្រើននាំគ្នាសរសើរមិនដាច់ពីមាត់តែម្តង៕

ចង់ដឹងថា តើរូបទាំងនោះស្រស់ស្អាត និងប្លែកយ៉ាងណា តោះទស្សនារូបភាពខាងក្រោមនេះទាំងអស់គ្នា៖