សៀមរាប៖ ក្រោយរៀបការ និងមានកូនស្រីម្នាក់អាយុ១ខួប ជីវិតគ្រួសារតារាចម្រៀងលោក ឆាយ វីរៈយុទ្ធ ពីមួយថ្ងៃទៅមួយថ្ងៃ កាន់តែទទួលបាននៅសេចក្ដីសុខ និងស្នាមញញឹមខ្លាំងទ្វេដង។ ក្នុងនោះដែរ តារាប្រុសរូបនេះ តែងតែផ្ដល់ពេលវេលានៅជាមួយភរិយា និងកូនជាញញឹកញាប់ផងដែរ បើទោះបីមានការងារច្រើនយ៉ាងណាក្ដី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម្យ៉ាងវិញទៀត មួយរយៈចុងក្រោយមកនេះ ក៏ឧស្សហ៍នាំគ្រួសារទៅដើរលេងលំហែកាយតាមរមណីយដ្ឋាននានាទៀតផង ដើម្បីបង្កើននៅភាពស្និទ្ធស្នាលជាមួយគ្នាជាងមុន ហើយគ្រប់សកម្មភាព និងរូបថតដែលតារារូបនេះបង្ហោះម្ដងៗ តែងតែទទួលបានពាក្យសរសើរពីហ្វេនស្ទើរតែគ្រប់ពេលទៅហើយ។ ដោយរូបភាពទាំងនោះអាចបញ្ជាក់យ៉ាងច្បាស់ថា ជីវិតប្ដីប្រពន្ធ តារាចម្រៀងរូបនេះ កាន់តែរឹងមាំជាងមុន ខណៈពេលមានកូនស្រីម្នាក់ជាចំណងដៃ និងជាកាដូដ៏ធំបំផុតក្រោយពេលរៀបការ។
តួយ៉ាង មុននេះបន្តិចលោក ឆាយ វីរៈយុទ្ធ បានបង្ហោះរូបភាពពេលទៅលេងនៅសៀមរាប ព្រមទាំងថតរូបយ៉ាងផ្អែមល្ហែមជាមួយភរិយា និងកូនស្រីជាទីស្រលាញ់របស់ខ្លួន។ ដោយទិដ្ឋភាពទាំងនោះ លោកបានបង្ហាញនៅស្នាមញញឹមយ៉ាងស្រស់ស្រាយ ពោរពេញដោយភាពកក់ក្ដៅមួយទំហឹងតែម្ដង ទន្ទឹមនឹងនោះផងដែរ ប៉ាៗសម័យថ្មីរូបនេះ ក៏មិនភ្លេចថតរូបស្វីតជាមួយភរិយាផងដែរ។ បន្ទាប់ពីហ្វេនឃើញរូបទាំងនេះរួច ពួកគេបានចូលទៅសរសើរ ដល់ចំណងអាពាហ៍ពិពាហ៍តារារូបនេះគ្រប់ៗគ្នា ទោះមានកូនមួយទៅហើយក៏នៅតែល្អូកល្អើនគ្មានថ្ងៃប្រែដែរ៕
សូមទស្សនារូបភាពខាងក្រោម៖