ដល់ក! កម្មវិធី Excel មានបញ្ហា Error នាំឲ្យចំនួនករណីឆ្លងកូវីដ-១៩រាប់ម៉ឺននាក់ ក្នុងប្រទេសអង់គ្លេស ត្រូវបានខកខានប្រកាស

//s9.kh1.co/f4/f43ca9de5141bed9b5b7e563e54cf6c96844eda1.jpg
បច្ចេកវិទ្យា

 ០៦-តុលា-២០២០ ១១ព្រឹក · ៣ ឆ្នាំមុន

តារាងទិន្នន័យរបស់កម្មវិធី Microsoft Excel ដែលមានផ្ទុកនូវលទ្ធផលមន្ទីរពិសោធន៍ បានឈានដល់ទំហំផ្ទុកអតិបរិមា។

អង់គ្លេស៖ មួយថ្ងៃបន្ទាប់ពីរដ្ឋាភិបាលចក្រភពអង់គ្លេសបានប្រកាស អំពីចំនួនអ្នកឆ្លងវីរុសកូរ៉ូណាប្រភេទថ្មីខ្ពស់បំផុត នៅក្នុងប្រទេសអង់គ្លេស ត្រូវបានគេបង្ហាញមូលហេតុនៃការកើនឡើងយ៉ាងខ្លាំងដូចនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមរបាយការណ៍ពីសារព័ត៌មាន Daily Mail, The Independent និង Evening Standard បានឲ្យដឹងថា តារាងទិន្នន័យរបស់កម្មវិធី Microsoft Excel ដែលមានផ្ទុកនូវលទ្ធផលមន្ទីរពិសោធន៍ បានឈានដល់ទំហំផ្ទុកអតិបរិមា មានន័យថាចំនួន១៥,៨៤១ករណីនៅចន្លោះថ្ងៃទី២៥ ខែកញ្ញា និងថ្ងៃទី២ ខែតុលា មិនត្រូវបានបញ្ចូលទៅផ្ទាំងព័ត៌មានជំងឺកូវីដ-១៩ របស់រដ្ឋាភិបាលនោះទេ។

បញ្ហាកម្មវិធី Excel នាំឲ្យមានការពន្យារពេល ការប្រកាសករណីឆ្លងជំងឺកូវីដ-១៩ ក្នុងប្រទេសអង់គ្លេស
បញ្ហាកម្មវិធី Excel នាំឲ្យមានការពន្យារពេល ការប្រកាសករណីឆ្លងជំងឺកូវីដ-១៩ ក្នុងប្រទេសអង់គ្លេស

សុខភាពសាធារណៈប្រទេសអង់គ្លេស (PHE) មិនបញ្ជាក់ថា កំហុសរបស់កម្មវិធី Excel គួរតែស្ដីបន្ទោសនោះទេ ប៉ុន្តែបានលើកឡើងពីបញ្ហាបច្ចេកទេស នៅក្នុងដំណើរការផ្ទុកទិន្នន័យ ដែលអនុញ្ញាតឲ្យមន្ត្រីចែកចាយលទ្ធផលតេស្ដវិជ្ជមាន តាមអ៊ីនធឺណេត។

តារាងទិន្នន័យរបស់កម្មវិធី Microsoft Excel អាចបង្កើតនិងកំណត់ជួរឈរថ្មីរហូតដល់១៦,៣៨៤ និងជួរដេកចំនួន១,០៤៨,៥៧៦។ ខណៈពេលដែលបញ្ហាខាងលើមិនត្រូវបានគេស្គាល់ច្បាស់ វាត្រូវបានគេជឿថា ព្រំដែននៃការកំណត់អាចនឹងត្រូវបានស្ដីបន្ទោស៕

Chhen Hangly
H.L

អត្ថបទទាក់ទង

//s9.kh1.co/ef/ef760b0f811b181012cac2058b3a6e5f6a63de52.jpg

ក្រុមហ៊ុន Epson សូមណែនាំ EcoBear ជាទូតសុច្ឆន្ទៈតំណាងឱ្យម៉ាស៊ីនព្រីនម៉ូឌែល EcoTank និងបានត្រៀមខ្លួនជាស្រេចដើម្បីនាំយកបច្ចេកវិទ្យាមិនប៉ះពាល់បរិស្ថានដល់វិស័យអាជីវកម្មកម្ពុជា

 ២១-មីនា-២០២៤ 
 ១ល្ងាច · ៧ ថ្ងៃមុន
រក្សាសិទ្ធិ Mediaload
Powered by Bong I.T Bong I.T