ក្រោយពីទីផ្សារនៃការដោះដូរកីឡាករត្រូវបានបិតទ្វារកាលពីយប់មិញនេះ ក្លិបជាច្រើនបានបង្ហាញកីឡាករចំណូលថ្មីរបស់ពួកគេ មានទាំងការផ្ទេរផ្តាច់ និងការខ្ចីជើងផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង ក្លិបកាំភ្លើងធំ Arsenal បានព្រមព្រៀងគ្នាជាមួយក្លិបអេស្ប៉ាញគឺក្លិប Atletico Madrid ក្នុងលក្ខខណ្ឌខ្ចីជើងមួយរដូវកាលយកខ្សែបម្រើសញ្ជាតិអ៊ុយរូហ្គាយកីឡាករ Lucas Torreira ទៅលេងនៅទឹកដីអេស្ប៉ាញនារដូវកាលនេះ។
យ៉ាងណាមិញ ទាំង Atletico Madrid និង Arsenal សុទ្ធតែបានបញ្ជាក់ច្បាស់ៗពីការព្រមព្រៀងការផ្ទេរ Lucas Torreira ក្នុងលក្ខខណ្ឌខ្ចីជើងនេះ។
យោងតាមរបាយការណ៍ផ្សេងៗបានឱ្យដឹងថា៖ ក្រុមដែលលេងនៅលីគ La Liga នេះមានជម្រើសក្នុងការទិញរូបគេផ្តាច់នៅរដូវក្តៅខាងមុខនេះ ដែលកុងត្រារបស់កីឡាករវ័យ ២៤ ឆ្នាំរូបនេះជាមួយក្រុមកាំភ្លើងធំនឹងផុតកំណត់នៅឆ្នាំ ២០២៣ ៕
ប្រភព៖ Tribuna