ជោគជ័យហើយ! Arsenal យកបានខ្សែបម្រើថ្មីពីក្លិបយក្សអេស្ប៉ាញ At. Madrid

តាមរបាយការណ៍ពី La Liga ថ្មីៗនេះ ក្លិបកាំភ្លើងធំ Arsenal បានព្រមព្រៀងចុះកិច្ចសន្យាលើខ្សែបម្រើសញ្ជាតិ ហ្កាណា គឺកីឡាករ Thomas Partey ក្នុងតម្លៃផ្ទេរ ៤៥ លានផោនពីក្លិប Atletico Madrid ។

សេចក្តីថ្លែងការណ៍នោះបានលើកឡើងយ៉ាងដូច្នេះថា "La Liga បានទាក់ទងទៅក្លិប Atletico Madrid នៅថ្ងៃចន្ទនេះ វេលាម៉ោង ១១ និង ២៨ នាទីយប់ថា អ្នកតំណាងរបស់ Arsenal បានបង្ហាញខ្លួននៅទីស្នាក់ការកណ្តាលរបស់ពួកគេដើម្បីទទួលបានសំណើនៃការបញ្ចប់កុងត្រារបស់កីឡាករ Thomas Partey"។

គួរឱ្យដឹងផងដែរថា បើតាមភ្នាក់ងារកីឡាករ Fabrizio Romano មានប្រសាសន៍ថា កិច្ចព្រមព្រៀងនេះនឹងមានសុពលភាពរហូតដល់ឆ្នាំ ២០២៥ ផ្ទុយពីរបាយការណ៍ដែល The Guardian បានលើកឡើងថា កិច្ចសន្យានោះមានរយៈពេលត្រឹមតែ ៤ ឆ្នាំទេនោះ៕

ប្រភព៖ Tribuna