ភ្នំពេញ៖ អតីត Freshie Boy លេខ១ ឆ្នាំ២០០៦ លោក ថៃ នរៈពិទូ ពេលនេះបានត្រលប់មកប្រឡូកចូលវិថីសិល្បៈសាជាថ្មី ក្រោយពីការផ្អាកទាំងស្រុងអស់រយៈពេលជាច្រើនឆ្នាំ។ ប៉ុន្តែថ្មីៗនេះ លោកក៏បានចេញសម្តែងជាថ្មីជាមួយនឹងបទចម្រៀងក្រោមចំណងជើងថា “បើគ្មានបង អូននឹងសប្បាយចិត្ត” ដែលជាបទចម្រៀងស្ថិតក្នុងផលិតកម្ម “One Shot Music” ជាផលិតកម្មថ្មីរបស់ លោក Rith Omega អតីតអ្នកដឹកនាំសម្តែងល្បីឈ្មោះមួយរូបនៅក្នុងផលិតកម្មថោន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមានមហាជនជាច្រើនដែលធ្លាប់ជាអ្នកគាំទ្រ លោក ថៃ នរៈពិទូ កំពុងតែរង់ចាំមើលការត្រលប់ចូលទៅកាន់ផ្នែកសម្តែងខ្សែភាពយន្តរបស់លោកផងដែរ ត្បិតកន្លងមក ពិទូ ក៏ជាតារាសម្តែងភាពយន្តដ៏មានប្រជាប្រិយភាពមួយរូបដែលមហាជនតែងកោតសរសើរពីសមត្ថភាពនៃការសម្តែងពីមួយរឿងទៅមួយរឿងផងដែរ។
យ៉ាងណាមិញ តារាសម្តែងរូបសង្ហារូបនេះ មិនទាន់បានបញ្ជាក់ជាផ្លូវការនៅឡើយទេថា តើលោកនឹងវិលត្រលប់ចូលនឹងវិស័យសិល្បៈវិញទាំងស្រុង ឬក៏គ្រាន់តែឆ្លៀតម្តងម្កាលក្រោយពីការទំនេរពីការងារផ្ទាល់ខ្លួនរបស់លោក៕
សូមទស្សនារូបភាពខាងក្រោម៖