បរទេស៖ តាមសារព័ត៌មាន ESPN បានឲ្យដឹងថា ក្រុម Manchester United នឹងចុះកុងត្រាកីឡាករ Edinson Cavani និងកីឡាករ Alex Telles ឆាប់ៗខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ កីឡាករ Edinson Cavani ត្រូវបានគេរាយការណ៍ថា នឹងធ្វើដំណើរមកដល់ប្រទេសអង់គ្លេសនាថ្ងៃអាទិត្យនេះ ដោយរូបគេនឹងធ្វើតេស្តសុខភាពនៅ Carrington។ កីឡាករវ័យ ៣៣ ឆ្នាំរូបនេះនឹងចុះកុងត្រារយៈពេល ១ ឆ្នាំ និងជម្រើសដែលអាចបន្តបានរយៈពេល ១២ ខែទៀត។
គួរឱ្យដឹងផងដែរថា សារព័ត៌មាន ESPN ដដែលបានបញ្ជាក់ថា កីឡាករ Alex Telles ក៏បានយល់ព្រមនឹងកិច្ចព្រមព្រៀងផងដែរ ដោយរូបគេអាចនឹងធ្វើដំណើរមកកាន់កីឡដ្ឋាន Old Trafford នាថ្ងៃតែមួយជាមួយកីឡាករ Edinson Cavani ដើម្បីធ្វើកិច្ចព្រមព្រៀងឲ្យបានមុនទីផ្សារដោះដូរកីឡាករត្រូវបានបិទ៕