Coutinho ស៊ុតបានមួយគ្រាប់ជួយឲ្យ Barca តាមស្មើ Sevilla ១-១ (មានវីដេអូ)

អេស៉្បាញ៖ សម្រាប់ការប្រកួតក្របខ័ណ្ឌ La Liga ក្នុងទឹកដី Camp Nou យប់មិញនេះ ក្លិប Barcelona មិនអាចយកបីពិន្ទុពី Sevilla បាននោះទេ ពោលគឺបានត្រឹមស្មើគ្នាដោយលទ្ធផល១ទល់នឹង១ ។ 

គ្រាប់បាល់ទាំង២កើតឡើងត្រឹម១០នាទីដំបូងប៉ុណ្ណោះ ដោយខ្សែប្រយុទ្ធវ័យ៣០ឆ្នាំរបស់ Sevilla គឺកីឡាករ Luuk De Jong ជាអ្នករកគ្រាប់បើកឆាកមុននៅនាទីទី៨។ ប៉ុន្តែពីរនាទីក្រោយមកខ្សែបម្រើ Philippe Coutinho ក៏ស៊ុតបានមួយគ្រាប់ឲ្យ Barcelona តាមស្មើមកវិញ។

ដោយឡែកយោងតាមលទ្ធផលនេះក្លិបទាំងពីរមាន៧ពិន្ទុស្មើគ្នា ឈរពីក្រោមក្លិប Real Madrid ចំនួនបីពិន្ទុ។ ប៉ុន្តែក្លិបលោក Zinedine Zidane ធ្វើការប្រកួតបានចំនួន៤លើកមកហើយ ដោយទើបតែឈ្នះ Levante ដោយលទ្ធផល០-២យប់មិញនេះដែរ៕​

ប្រភព៖ bbc