បរទេស៖ ខ្សែប្រយុទ្ធក្រុម Everton គឺកីឡាករ Moise Kean នឹងត្រូវចំណាយពេលពេញមួយរដូវកាលជាមួយក្រុម Paris Saint-German នៅក្នុងលក្ខខណ្ឌខ្ចីជើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថា កីឡាករសញ្ជាតិអ៊ីតាលីរូបនេះបានផ្ទេរពីក្រុម Juventus ទៅកាន់ក្រុម Everton កាលពីខែសីហា ឆ្នាំ២០១៩ ដែលរូបគេបានស៊ុតបញ្ចូលទីចំនួន ៤ គ្រាប់ក្នុងការបង្ហាញខ្លួនចំនួន ៣៧ ដងគ្រប់កម្មវិធីទាំងអស់។
កីឡាករវ័យ ២០ ឆ្នាំរូបនេះមិនសូវជាបានបង្ហាញខ្លួនជម្រើសដំបូងក្រោមការដឹកនាំរបស់គ្រូបង្វឹក Carlo Ancelotti ឡើយ។
យ៉ាងណាមិញ កុងត្រារវាងក្រុម PSG ជាមួយនឹងខ្សែប្រយុទ្ធ Edinson Cavani និង Eric Maxim Choupo-Moting ត្រូវបានបញ្ចប់នារដូវកាលមុន ដូច្នេះមានន័យថា តំណែងខ្សែប្រយុទ្ធរបស់ក្រុម PSG ពេលនេះរួមមានកីឡាករ Neymar, Kylian Mbappe, Mauro Icardi និងកីឡាករចំណូលថ្មី Moise Kean នេះឯង៕