ភ្នំពេញ៖ តារាចម្រៀងស្រីដ៏ល្បីអ្នកនាង សុគន្ធ និសា និងតារាសម្ដែងស្រគត់ស្រគុំកញ្ញា ណាក់ ស្រីណា ដែលត្រូវបានមហាជនជាច្រើនចាប់អារម្មណ៍លើទំនាក់ទំនាក់យ៉ាងជិតស្នាលអ្នកទាំងពីរ ដោយប៉ុន្មានឆ្នាំចុងក្រោយនេះ តារាស្រីទាំងពីររូបនេះ តែងតែបង្ហាញនៅភាពស្និទ្ធស្នាលជាមួយគ្នា ដូចបងប្អូនបង្កើតទៅហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម្យ៉ាងវិញទៀត បើទោះបីអាជីពអ្នកទាំងពីរមានភាពខុសគ្នា តែក៏អាចធ្វើឲ្យអ្នកនាង សុគន្ធ និសា និងកញ្ញា ណាក់ ស្រីណា មានភាពស្អិតរមួតរាប់អានជាមិត្តល្អជាមួយគ្នាយ៉ាងដូច្នេះ ជាពិសេស តារាស្រីទាំងពីរដួងនេះ តែងតែឆ្លៀតពេលទំនេរពីការងារសិល្បៈណាត់ជួបគ្នាជានិច្ច។ លើសពីនេះទៅទៀត ស្ទើរតែគ្រប់ពេល តារាស្រីជួរមុខពីរដួងនេះ ក៏ឧស្សាហ៍ចូលរួមកម្មវិធីធំៗ និងរួមការងារថតសម្អាងជាមួយគ្នាថែមទៀតផង។
ជាក់ស្ដែង មុននេះកញ្ញា ណាក់ ស្រីណា បានបង្ហោះរូបភាពថ្មីជាមួយអ្នកនាង សុគន្ធ និសា ទាំងព្រលឹម ដោយមើលទៅអ្នកទាំងពីរ បានស្លៀកនៅឈុតដូចគ្នា ថែមទាំងបង្ហាញនៅស្ទាយ៍ថតរូបឃ្យូតៗ ដូចកូនក្មេងយ៉ាងសប្បាយរីករាយតែម្ដង។ មិនតែប៉ុណ្ណោះ មើលទៅរូបភាពទាំងនោះបញ្ជាក់ឲ្យឃើញថា ការរាប់អានគ្នារវាងតារាស្រីពីររូបនេះ កាន់តែស៊ីជម្រៅយល់ចិត្តគ្នា កាន់តែខ្លាំងឡើងលើសពីមិត្តភក្ដិ ដូចបងប្អូនបង្កើតទៅហើយ។
ក្នុងនោះដែរ បន្ទាប់ពីហ្វេនបានឃើញនៅទំនាក់ទំនងល្អអ្នកទាំងពីររួច ពួកគេបានបង្ហាញអារម្មណ៍មិននឹកស្មានថាតារាស្រីល្បីទាំងនេះ មានភាពជិតស្និទ្ធខ្លាំងយ៉ាងដូច្នេះ៕
សូមទស្សនារូបភាពខាងក្រោម៖