សិង្ហបុរី៖ ដូចដែលប្រិយមិត្តអ្នកអានបានជ្រាបហើយថា ចាប់តាំងពីផ្ទុះឡើងនៃជំងឺកូវីដ-១៩មក នៅតាមបណ្ដាប្រទេសនានាជុំវិញពិភពលោក បានចេញវិធានការយ៉ាងតឹងរុឹង ដើម្បីទប់ស្កាត់ការរីករាលដាលជំងឺនេះ។ បើងាកទៅកាន់ប្រទេសសិង្ហបុរីវិញ មានក្រុមប៉ូលិសដើរល្បាតតាមទីសាធារណៈជារឿយៗ ដើម្បីប្រាកដថាពលរដ្ឋបានពាក់ម៉ាស់ការពារ និងមិនឆ្វេសប្រហែសក្នុងការការពារខ្លួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយថ្មីៗនេះ មានវីដេអូមួយនៅលើបណ្ដាញសង្គម Tik Tok បង្ហាញឲ្យឃើញ យុវតី និងយុវជនមួយក្រុម មានគ្នាចំនួន៤នាក់ បានឈររាំពីមុខទូរសព្ទដៃនៅទីសាធារណៈ ដោយមិនមានពាក់ម៉ាស់ការពារឡើយ។ ហើយភ្លាមៗនោះ ក៏ស្រាប់តែមានប៉ូលិសចំនួន២នាក់ បានដើរសំដៅចូលមកយ៉ាងមុឺងម៉ាត់ និងពាក់ម៉ាស់ការពារត្រឹមត្រូវផងដែរ។
យ៉ាងណាមិញ វីដេអូខាងលើនេះ ទទួលបានការចាប់អារម្មណ៍យ៉ាងខ្លាំង ហើយទន្ទឹមនឹងនេះដែរ គេមិនដឹងទេថា ប៉ូលិសទាំងពីរផាកពិន័យទៅដល់ក្រុមយុវតី និងយុវជននោះឬយ៉ាងណាឡើយ តែប្រសិនបើផាកពិន័យមែន ក្នុងម្នាក់អាចនឹងត្រូវបង់ប្រាក់ចំនួន៣០០ដុល្លារអាមេរិកឯណោះ៕
សូមទស្សនារូបភាពនិងវីដេអូខាងក្រោម៖