ស្រីលង្កា៖ ដំរីព្រៃនៅប្រទេសស្រីលង្កា ត្រូវបានគេរកឃើញថាមានផ្ទុកផលិតផលប្លាស្ទិក និងប្រភេទថង់ប្លាស្ទិកមិនរលាយនៅក្នុងក្រពះ បន្ទាប់ពីស៊ីសំរាមដែលអ្នកស្រុកយកមកចាក់ចោលពាសវាលពាសកាល រំលោភលើដែនជម្រករបស់ពួកវា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហ្វូងដំរីចន្លោះពី២៥ ទៅ ៣០ក្បាល កំពុងរកចំណីស៊ីនៅលើគំនរសំរាមនៃខេត្ដ Eastern ដែលបញ្ជូនមកពីស្រុកមួយចំនួនរួមមាន ស្រុក Sammanthurai, Kalmunai, Karaitheevu, Ninthavur, Addalachchenai, Akkaraipattu និង Alaiyadi Vembu។
ពីមួយថ្ងៃទៅមួយថ្ងៃ គំនរសំរាមកាន់តែលុកលុយបន្ដិចម្ដងៗ មកលើដីព្រៃក្បែរនឹងជម្រករបស់សត្វដំរី ហើយត្រូវបានគេគិតថាជាមូលហេតុនៃឥរិយាបថមិនល្អរបស់ប្រជាជន។ ខណៈពេលរបងព័ទ្ធជុំវិញកន្លែងចាក់សំរាមបានបាក់ ជាហេតុមិនអាចរារាំងពួកដំរីមិនឲ្យចូលរកចំណីបានឡើយ។
យ៉ាងណាមិញ ទោះបីមានការពិភាក្សាតុមូលរបស់អាជ្ញាធរ ហើយរកបានដំណោះស្រាយរួមមាន ការសាងសង់របងព័ទ្ធកន្លែងចាក់សំរាមឡើងវិញក៏ដោយ ប៉ុន្ដែមិនមានសកម្មភាពណាមួយធ្វើឡើង ដើម្បីការពារហ្វូងដំរីព្រៃមិនឲ្យចូលរកចំណីនៅក្នុងគំនរសំរាមនោះបានទេ៕
សូមទស្សនារូបភាពខាងក្រោម៖