ស្នេហា៖ ព្រោះតែនិស្ស័យ ទើបបណ្តាលឲ្យ មនុស្ស២នាក់ បានស្គាល់គ្នា រហូតឈានដល់ ដំណាក់កាលជាប់ចិត្ត ជំពាក់ស្នេហ៍ជាមួយគ្នាថែមទៀត តែលើលោកនេះ គ្មានអ្វីដែលស្ថិតស្ថេរនោះទេ ស្នេហាក៏ដូចគ្នា អ្នកខ្លះបានជួបគ្នាហើយ ក៏អាចបន្តកាន់ដៃគ្នា រហូតដល់ចាស់រៀងៗខ្លួន តែអ្នកខ្លះទៀត បានជួបគ្នាហើយក៏ត្រូវបែកគ្នាទៅវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជារៀងរាល់ថ្ងៃ មានគូរស្នេហ៍ដែលត្រូវ ដើរដល់ផ្លូវបំបែកជាច្រើន។ មួយចំនួនក៏អាចធ្វើចិត្ត ភ្លេចអ្នកចាស់បានរហ័ស ហើយមួយចំនួនទៀត ក៏ត្រូវដេកត្រាំភាពឈឺចាប់ ចាយពេលយ៉ាងយូរ ក្នុងការលុបជម្រះអ្នកចាស់ បានពីក្នុងបេះដូង ព្រោះតែក្នុងចិត្តនៅស្រលាញ់ គេខ្លាំងនៅឡើយ។ រឿងខ្លះចង់បំភ្លេច មិនមែនថាអាច បំភ្លេចបានភ្លាមៗនោះទេ វាត្រូវចំណាយពេលវេលា លុបបំបាត់វាជាបណ្តើរៗ។
យ៉ាងណាមិញ គេក៏សង្កេតឃើញថា ក្នុងចំណោមគូរស្នេហ៍និង ប្តីប្រពន្ធមួយចំនួន នៅពេលដែលសម្រេច ចែកផ្លូវគ្នាអស់ជាច្រើនខែ ច្រើនឆ្នាំទៅហើយ តែចុងក្រោយនៅតែ វិលត្រឡប់មកជួបជុំគ្នាវិញ។ រឿងនេះ អាចទៅរួចច្រើន ប្រសិនបើហេតុផលដែលពួកគេ បែកគ្នាដំបូងដោយសារតែ កត្តាដូចជា៖
១) មិនមែនដោយសារបញ្ហាផិតក្បត់
មានគូរស្នេហ៍មួយចំនួន បែកគ្នាមិនមែនដោយសារតែ ភាគីម្ខាងណាផិតក្បត់នោះទេ តែ អាចដោយសារតែ បញ្ហាគ្រួសារមិនអនុញ្ញាត មិនចុះសម្រុង គ្មានពេលវេលា ផ្តល់ឲ្យគ្នាជាដើម។ បូកផ្សំនឹងចិត្ត ឆេវឆាវមួយគ្រា ចង់ឈ្នះមួយពេល ក៏សម្រេចចិត្តខ្លាំង បែកគ្នាតែម្តង ព្រោះម្ខាងៗសុទ្ធតែ មិនព្រមចាញ់ ទោះបីចិត្ត នៅស្រលាញ់រៀងៗខ្លួនក៏ដោយ។
២) រឿងយល់ច្រឡំអ្វីមួយ
គ្មានអ្វីដែលសំខាន់ជាង ការយល់ពីគ្នានិង ចេះអត់អោនឲ្យគ្នានោះទេ ក្នុងទំនាក់ទំនងមួយ។ កុំធ្វើឲ្យភ្លើងប្រច័ណ្ឌ ការខឹង មួយពេលមកបាំងមុខ បង្កជាការយល់ច្រឡំ រហូតត្រូវបាត់បង់ មនុស្សដែលខ្លូនស្រលាញ់។ មានបញ្ហាត្រូវចេះ អត់ធ្មត់ ហើយពិភាក្សាជាមួយគ្នា កុំយកទៅលាក់ទុក ក្នុងចិត្តតែឯង ព្រោះបញ្ហាឬហេតុការណ៍មួយចំនួន ដែលយើងបានឃើញ មិនប្រាកដថាវាដូចនឹងអ្វី ដែលយើងកំពុងតែគិតនោះទេ។
ជារួមមក មនុស្សពីរនាក់ដែលបែកគ្នាហើយ ចុងក្រោយក៏សម្រេចចិត្ត មកផ្សះផ្សារជាមួយគ្នាវិញ គឺអាចមានភាគរយច្រើន នឹងមានអនាគតជាមួយគ្នា ព្រោះសុទ្ធតែជាមនុស្ស ដែលបានយល់ពីគ្នាច្បាស់ ហើយក៏សុទ្ធតែ យល់ពីតម្លៃគ្នាទៅវិញទៅមក យល់ពីភាពមិនអាចខ្វះគ្នាបាន ព្រមទាំងមាននៅការតាំងចិត្ត កែប្រែខ្លួនជាថ្មី ដើម្បីគ្នាហើយផងដែរ៕