បរទេស៖ នៅក្នុងរយៈពេលប៉ុន្មានថ្ងៃចុងក្រោយនេះ មានដំណឹងលេចឮជាច្រើនថាក្លិប Manchester United កំពុងតែបើកកិច្ចចរចាជាមួយក្លិប Barcelona ក្នុងគោលបំណងខ្ចីជើងកីឡាករ Ousmane Dembele ទៅរួមក្រុម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្របពេលជាមួយគ្នានេះដែរ Barcelona ក៏កំពុងចង់បានកីឡាករ Memphis Depay ពីក្លិប Lyon ផងដែរ ប៉ុន្តែក្លិបមិនទាន់មានលទ្ធភាពគ្រប់គ្រាន់ក្នុងការចំណាយលើតម្លៃខ្លួន ក៏ដូចជាប្រាក់ពលកម្មរបស់តារាឆ្នើមរូបនេះ។
ដោយឡែកបើតាមគេហទំព័រ AS បានឲ្យដឹងថាប្រសិនបើ Barca យល់ព្រមឲ្យ Man UTD ខ្ចីជើង Dembele ទៅលេងនៅ Premier League ក្នុងរដូវកាលថ្មីនេះ ក្លិបនឹងអាចមានលទ្ធភាពចំណាយលើតម្លៃខ្លួន និងប្រាក់ពលកម្មរបស់ Depay បាន។
គួរឲ្យដឹងដែរថានៅក្នុង៥ប្រកួតដំបូងឲ្យ Lyon នៅលីគកំពូលបារាំងរដូវកាលថ្មីនេះ កីឡាករ Memphis Depay រកបានចំនួន៤គ្រាប់រួចមកហើយ ខណៈដែលកុងត្រារបស់គេជាមួយក្លិបនៅសល់តែមួយរដូវកាលនេះទៀតប៉ុណ្ណោះ៕
ប្រភព៖ sportsmole