ហេតុតែជាកូនស្រីសេដ្ឋីនី គ្រាន់កាតាបស្ពាយទៅរៀន កូន Kylie ខ្ទង់ម៉ឺនដុល្លារ

បរទេស៖ តារាម៉ូដែល និងជាសេដ្ឋីវាល់លាន នាង Kylie Jenner បានទាក់ទាញការចាប់អារម្មណ៍មហាជន នៅលើបណ្តាញសង្គមម្តងទៀត នៅពេលចែករំលែករូបភាពកូនស្រីរបស់នាង Stormi ទៅសាលារៀនមតេ្តយ្យថ្ងៃដំបូង។

ក្នុងនោះដែរ កូនស្រីអាយុ២ឆ្នាំរូបនេះ មើលទៅមានភាពសប្បាយ និងរំភើបនៅពេលដែលនាងរង់ចាំ ម្តាយរបស់គេ បើកឡានជូនទៅសាលារៀន ដោយគេបានសង្កេតឃើញថា Stormi បានស្ពាយកាបូបពីក្រោយពណ៌ផ្កាឈូកគួរឱ្យស្រឡាញ់អមជាមួយស្បែកជើង Air Jordans ទាន់សម័យ និងក្រវិលពេជ្របែបសាមញ្ញផងដែរ។

ទៀតសោត វាមិនពិបាកទេគ្រាន់តែក្រឡេកក៏ដឹងថា កាបូបកូនស្រីរបស់ Kylie Jenner គឺជាយីហោ Hermès ជាមួយនឹងតម្លៃលក់រាយរហូតដល់ ១២០០០ ដុល្លារឯណោះ នេះមិនមែនជាលើកទីមួយទេដែលរូបគេ ប្រើកាបូបថ្លៃបែបនេះ ព្រោះកូនស្រីរបស់តារាស្រីរូបនេះ ក៏បណ្តុំកាបូបល្បីៗ ដែលខ្លះមានតម្លៃរហូតដល់១០ម៉ឺនដុល្លារក៏មាន។

យ៉ាងណាមិញ អ្នកម្តាយកូនមួយរូបនេះ មិនដែលសោកស្តាយដែលបានទិញរបស់របរថ្លៃជូនកូនស្រីសំណព្វចិត្តរបស់ខ្លួន ដោយកាលពីថ្មីៗនេះ មហាសេដ្ឋីស្រីវ័យ ២៣ ឆ្នាំរូបនេះក៏បាន ទិញនូវសេះស មកពីអឺរ៉ុបក្នុងតម្លៃ ២០០,០០០ ដុល្លារ ជូនកូនស្រីរបស់នាងផងដែរ៕

សូមទស្សនារូបខាងក្រោម៖