ញូដេលី៖ យោងតាមទិន្នន័យពីក្រសួងសុខាភិបាលឥណ្ឌាបានបង្ហាញនៅថ្ងៃព្រហស្បតិ៍នេះថា អ្នកឆ្លងជំងឺកូវីដ១៩នៅឥណ្ឌាបានកើនឡើងដល់ ៦.៣១លាននាក់ បន្ទាប់ពីរកឃើញអ្នកឆ្លងថ្មីចំនួន ៨៦,៨២១នាក់បន្ថែមទៀត ក្នុងរយៈពេល ២៤ម៉ោងចុងក្រោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រសួងសុខាភិបាលបានឱ្យដឹងទៀតថា នៅថ្ងៃដដែលមានមនុស្សស្លាប់ចំនួន ១,១៨១នាក់ ដែលធ្វើឱ្យចំនួនអ្នកស្លាប់សរុបឡើងដល់ ៩៨,៦៧៨នាក់ ខណៈអ្នកជាសះស្បើយសរុបឡើងដល់ជាង ៥លាននាក់។
គួរជម្រាបដែរថា ស្របពេលករណីឆ្លងនៅមិនទាន់ធូរស្រាល ឥណ្ឌាបានសម្រេចអនុញ្ញាតឱ្យបើកសាលារៀន រោងកុន ក៏ដូចជាទីកន្លែងអាជីវកម្មមួយចំនួនទៀតឡើងវិញ៕