អ្នកណាមិនរំភើប! Ken បានទិញរបស់ម្យ៉ាងជូនមិត្តស្រី ដើម្បីជាការ Surprise ប៉ុន្តែបែរជា Esther ឆ្លើយយ៉ាងដូច្នេះទៅវិញ

ថៃ៖ ប៉ុន្មានថ្ងៃមុននេះ តារាប្រុសរូបសង្ហា Ken Phupoom បានទម្លាយប្រាប់អ្នកសារព័ត៌មានថៃថា លោកទើបនឹងទិញចិញ្ចៀនមួយវង់សម្រាប់ជូន Esther Supreeleela​។ ស្រាប់តែអ្នកសារព័ត៌មានបានសួរបន្ថែមថា តើ Kem ទិញចិញ្ចៀននេះសម្រាប់កម្មវិធីភ្ជាប់មែនឬទេ? ភ្លាមៗនោះស្រាប់តែលោកបានឆ្លើយថា សម្រាប់រឿងនេះមិនទាន់ប្រាប់ទេ ខ្លាចពេលប្រាប់ហើយអ្នកទាំងអស់មិនរំភើប ដូច្នេះចាំដល់ពេលនោះសិន។

ទន្ទឹមនឹងនេះ ស្រាប់តែតារាស្រី Esther រូបនេះបាននិយាយថា ពេលខ្លះលោក Ken គ្រាន់តែនិយាយលេងទេ ហើយពេលខ្លះទៀតលោកក៏និយាយមែនដែរ។ ដូច្នេះបើដូចលោក Ken និយាយមែននោះ នាងនឹងរង់ចាំការ Surprise មួយនេះ។

លើសពីនេះទៅទៀត តារាប្រុសស្រីទាំងពីររូបនេះបាននិយាយថា សម្រាប់ទំនាក់ទំនងស្នេហានេះកំពុងស្អិតរមួត ស្រលាញ់គ្នា និងផ្តល់ពេលវេលាឲ្យគ្នាសឹងគ្រប់ពេល៕    

សូមទស្សនារូបភាពខាងក្រោមនេះ៖