មកស្គាល់តារាថៃ ៤ រូបកំពុងល្បីល្បាញខ្លាំង នឹងត្រៀមអ្វីថ្មីៗសម្រាប់ហ្វេនៗក្នុងឆ្នាំ ២០២១ នេះ

ថៃ៖ បើនិយាយពីឈ្មោះតារាថៃប្រុសស្រីទាំង ៤ រូបនេះប្រាកដជាប្រិយមិត្តបានស្គាល់ជាក់ជាមិនខាន បន្ទាប់ពីពួកគេបានសម្តែងរឿងភាគល្បីៗជាច្រើនមកនេះ។ ចង់ដឹងអត់ថា តើតារាទាំង ៤ នេះជាអ្នកណា? ហើយពួកគេកំពុងត្រៀមរឿងប៉ុន្មាន និងចំណងជើងអ្វីខ្លះសម្រាប់អ្នកគាំទ្រ និងអ្នកទស្សនា?

១. Baifern Pimchanok
បច្ចុប្បន្នតារាស្រីល្បីឈ្មោះ Baifern កំពុងមមាញឹកថតរឿងភាគថ្មីរបស់ប៉ុស្តិ៍លេខ៣ គឺរឿង «Sroi Sabunga» ជាមួយលោក Nine Naphat ។

ហើយសម្រាប់ខែតុលា ឆ្នាំ២០២០ នេះនាងនឹងចាប់ផ្តើមថតរឿងភាគថ្មីមួយទៀតរបស់ទូរទស្សន៍ GMM 25 គឺរឿង «36 Days Chun Ja Phung Ngan Wiwah» ជាមួយនឹងលោក Non Chanon។

មិនតែប៉ុណ្ណោះ ក្នុងពេលឆាប់ៗនេះតារាស្រីរូបនេះក៏មានរឿងភាគថ្មីមួយទៀតរបស់ប៉ុស្តិ៍ ONE 31 គឺរឿង“Sinaeha Saree” ជាមួយលោក Sean Jindachot។  គួរបញ្ជាក់ផងដែរថា ក្នុងឆ្នាំនេះ Baifern មានរឿងភាគថ្មីចំនួន ៣ រឿងសម្រាប់អ្នកគាំទ្រ។

២. Pear Pitchapa
រីឯតារាស្រី Pear គឺជាតារាសម្តែងដែលមានប្រជាប្រិយភាពខ្លាំង ហើយភាគច្រើននាងដើរជាតួអង្គកាចឆ្នើស និងចិត្តអាក្រក់។ បច្ចុប្បន្ននេះ នាងកំពុងថតរឿងភាគថ្មីរបស់ប៉ុស្តិ៍ទូរទស្សន៍មួយគឺរឿង «Mia Jum Pen» ជាមួយ Mai Warit និង Pie Rinrada ។មិនតែប៉ុណ្ណោះ ក្នុងពេលឆាប់ៗនេះនាងនឹងមានរឿងភាគទូរទស្សន៍ថ្មីចំនួន ២ បន្ថែមទៀតគឺរឿង «Karat Ruk» និង «Pom Sanaeha»។

៣. Deaw Suriyont
សម្រាប់តារាប្រុស Deaw វិញបានសម្តែងក្នុងរឿងភាគមួយ ដែលមានចំណងជើងថា «Duang Baeb Nee Mai Mee Ju»។គួរបញ្ជាក់ផងដែរថា កាលពិថ្មីៗនេះលោកទើបនឹងបញ្ចប់ការថតរឿងភាគទូរទស្សន៍ថ្មីចំនួន ២ ទៀតគឺរឿង «Trab Fah Mee Tawan» និងរឿង «Piphob Himmaparn»។

៤. Aom Sushar
ដោយឡែក Aom ទើបនឹងថតចប់រឿងភាគថ្មីរបស់ទូរទស្សន៍ ONE 31 គឺរឿង «Boss & Me» ជាមួយ Dj Push ។ ហើយនាងក៏កំពុងថតរឿងភាគថ្មីមួយទៀតគឺរឿង «Dtaem Rak» ជាមួយនឹង Pae Arak ៕