ទឹកត្រជាក់ ពិសេសទឹកកក មិនថាចាស់ ឬក្មេងទេ ចូលចិត្តផឹកណាស់ ហើយបើចំអាកាសធាតុក្តៅផង ដាក់ ១ក្អឹកទៅ ដឹងតែមានកម្លាំងភ្លែត។ ក្នុងនោះមានមតិមួយចំនួនបានលើកឡើងថា ការផឹកទឹកកកអាចបណ្តាលឲ្យដុះក្បាលពោះ និងឡើងគីឡូ តើពិតជាអ៊ីចឹងមែនអត់?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបញ្ហានេះឱសថការី សែម ស៊ីណែត និងជាគ្រូបង្រៀន មុខវិជ្ជា ជីវវិទ្យា នៅសាលាជំនាន់ថ្មី វិទ្យាល័យព្រះយុគន្ធរ អះអាងថា ការផឹកទឹកកកមិនបណ្តាលឲ្យដុះក្បាលពោះ ឬឡើងទម្ងន់ឡើយ។ លោកថា ការយល់ខុសដែលចាក់ស្រែះនៅក្នុងការយល់ដឹងរបស់ប្រជាជនជាច្រើន គឺថាទឹកត្រជាក់ធ្វើឲ្យខ្លាញ់កកនៅក្នុងខ្លួន។ តាមការពិតទឹកកកមិនបានធ្វើឲ្យខ្លាញ់កកនៅក្នុងខ្លួនយើងអ្វីនោះឡើយ ផ្ទុយទៅវិញវាថែមទាំងធ្វើឲ្យកោសិកាយើងបំបែកកាឡូរី (ថាមពល) ដើម្បីកម្តៅទឹកទៀតផង ព្រោះទឹកត្រជាក់ដែលចូលទៅក្នុងបំពង់អាហារ និងពោះវៀនចាំបាច់ត្រូវមានកម្តៅប្រហាក់ប្រហែលនឹងក្នុងខ្លួន។
បើសិនជាយើងគិតអំពីគុណតម្លៃផ្នែកអាហារវិញ ទឹកមិនផ្តល់ថាមពលជាកាឡូរីដូចស្ករ (ទឹកស្ករ កាហ្វេក្តៅដាក់ស្ករ….) ឡើយ ហេតុនេះវារឹតតែមិនសមទាល់តែសោះថាទឹក ឬទោះជាទឹកត្រជាក់ក៏ដោយអាចធ្វើឲ្យធាត់។ ទឹកត្រជាក់ឬទឹកកកត្រូវបានគេដឹងថាអាចធ្វើឲ្យមានការកើនស្លេស្ម ហេតុនេះទើបគេតែងតែហាមមិនឲ្យផឹកទឹកត្រជាក់ពេលផ្តាសាយ ឬក្អក។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T